जेनजीको आन्दोलन निर्वाचनका लागि होइन, माग पुरा नभएसम्म चूनाव हुन दिदैनौँ : सुदन गुरुङ

सुनौलो नेपाल

बिहिवार , कार्तिक २७, २०८२

जेनजीको आन्दोलन निर्वाचनका लागि होइन, माग पुरा नभएसम्म चूनाव हुन दिदैनौँ : सुदन गुरुङ

काठमाडौं । जेनजी आन्दोलनका अगुवा सदन गुरुङले आफुहरुको माग पुरा नभएसम्म चूनाव हुन नदिने चेतावनी दिएका छन् ।

मतदाता नामावली संकलनमा देखिएका समाधानका लागि भएको पहलका बारेमा बुझ्न बिहीबार निर्वाचन आयोग पुगेका गुरुङले जेनजी युवाहरु निर्वाचनका लागि नभई देशमा देखिएका बेतिथीबिरुद्ध लडेको भन्दै आफुहरुको माग पुरा नभएसम्म चूनाव हुन नदिने चेतावनी दिएका हुन् ।

उनले आफुहरुलाई बिभिन्न दलसंग जोडेर टिकाटिप्पणी भइरहेको भन्दै आपत्ति जनाए । आफु कुनै दलमा आवद्ध नभएको र निर्वाचनमा आफु नलड्ने उनले स्पष्ट पारे । उनले जनेजी आन्दोलनको माग पुरा गर्नुभन्दा सरकारको ध्यान निर्वाचनमा मात्रै केन्द्रीत रहनु राम्रो नभएको बताए । गुरुङले अहिलेको अवस्थामा गृहमन्त्रीलाई परिवर्तन गर्नुपर्ने अवस्था देखिएको बताए ।