कांग्रेस महाधिवेशनको चटारो : निधि, कोइराला र सिंह छलफलमा

सुनौलो नेपाल
मंगलबार, १५ असार २०७८

काठमाडौं । नेपाली कांग्रेसका उपसभापति विमलेन्द्र निधि, महामन्त्री शशांक कोइराला र पूर्वमहामन्त्री प्रकाशमान सिंहले केहीदिनयता छलफललाई तीव्रता दिएका छन् ।

त्यही क्रममा निधि, कोइराला र सिंह मंगलबार पनि छलफलमा बसेका छन् । यसअघि कोइराला र निधि निवासमा छलफलमा जुटेका तीन नेता मंगलबार ठमेलको चाक्सीबारीस्थित सिंह निवास पुगेका हुन् ।

उनीहरुबीच आसन्न महाधिवेशनमा केन्द्रित रहेर छलफल भइरहेको छ । निधिले आगामी भदौमा हुने पार्टीको १४ औं महाधिवेशनमा सभापतिमा उम्मेदवारी दिने तयारी गरेका छन् ।

पार्टी सभापति शेरबहादुर देउवाले फेरि पनि सभापतिमा उठ्ने बताएपछि तीन नेताले देउवाविरुद्ध गठबन्धनको प्रयास गरिराखेका छन् ।

कांग्रेसको महाधिवेशन भदौ १६ देखि १९ सम्म काठमाडौंमा गर्ने सहमति भएको छ ।

ताजा अपडेट

लोकप्रिय

कांग्रेस महाधिवेशनको चटारो : निधि, कोइराला र सिंह छलफलमा