युरोकपमा आजदेखि क्वाटरफाइनलका खेल, पहिलो खेलमा स्विट्जरल्यान्ड र स्पेन भिड्दै

सुनौलो नेपाल
शुक्रबार, १८ असार २०७८

एजेन्सी । १६ औं संस्करणको युरोकप फुटबल अन्तर्गत क्वाटरफाइनल खेलहरु आजबाट सुरु हुँदैछ । आज दुई खेल हुनेछन् । जसमा, पहिलो खेल स्विट्जरल्यान्ड र स्पेन बीच र दोस्रोमा बेल्जियम र इटालीले प्रतिस्पर्धा गर्ने छन् ।

रुसको सेन्ट पिटर्सवर्गमा हुने खेलमा पहिलो पटक युरोकपको क्वाटरफाइनल पुगेको स्वीट्जरल्याण्ड र सर्वाधिक ३ पटकको विजेता स्पेनबीच प्रतिस्पर्धा हुनेछ । खेल नेपाली समय अनुसार राति ९:४५ बजे हुनेछ ।

त्यस्तै दोस्रो खेल जर्मनीको एलिनाज स्टेडियममा हुनेछ । नेपाली समय अनुसार राति १२:४५ बजे सुरु हुने खेलमा बेल्जियम र इटाली भिड्ने छन् । दुवै टोली अहिलेसम्म शतप्रतिशत जितसहित क्वाटरफाइनल पुगेका छन् । छनोटमा पनि दुवै टोलीले सबै १० खेल जितेका थिए । त्यसैले पनि यो खेल रोमाञ्चक बन्ने अपेक्षा छ ।

दुई टिमबीच हालसम्म २२ खेल भएको छ । जसमा इटालीले १४ खेल जितेको छ । चार खेल बेल्जियमले जित्दा ४ खेल बराबरीमा सकिएको छ ।

ताजा अपडेट

लोकप्रिय

युरोकपमा आजदेखि क्वाटरफाइनलका खेल, पहिलो खेलमा स्विट्जरल्यान्ड र स्पेन भिड्दै