हेटौँडा–भैंसे सडकखण्ड अवरुद्ध

सुनौलो नेपाल
शुक्रबार, १८ असार २०७८

काठमाडौं । त्रिभुवन राजपथअन्तर्गत पर्ने हेटौँडा–भैंसे सडकखण्ड अवरुद्ध भएको छ । भीमफेदी गाउँपालिका–१ को बागझोरामा बाढी आएपछि हेटौँडा-भैंसे सडकखण्ड अवरुद्ध भएको हो ।

बाढी आएपछि हेटौँडा जाने र भैंसे हुँदै हेटौँडा आउने गाडी चल्न नसकेको जिल्ला प्रहरी कार्यालय मकवानपुरले जनाएको छ । मकवानपुरका प्रहरी नायब उपरीक्षक निमित्त प्रहरी निरीक्षक देवेन्द्र दासका अनुसार बाढीले बगाएको गिट्टी, बालुवा, ठूला–ठूला ढुङ्गा हटाएर गाडी चल्ने अवस्था बनाउन तयारी भइरहेको छ ।

त्यस्तै भीमफेदी-कुलेखानी हुँदै काठमाडौँ जाने सडक बिहीबारदेखि नै अवरुद्ध छ । भीमफेदी-६ गढीमा ठूलो पहिरो गएको र अझै पानी परिरहेकाले पहिरो हटाउन समस्या भएको छ । कान्ति लोकपथअन्तर्गत पर्ने भीफेदी-८ गँगटेमा पनि पहिरो जाँदा बिहीबारदेखि नै यातायात अवरुद्ध भएको जिल्ला प्रहरी कार्यालयले जनाएको छ ।

ताजा अपडेट

लोकप्रिय

२०८२ असार २७ शुक्रबार

हेटौँडा–भैंसे सडकखण्ड अवरुद्ध