काठमाडौं । माओवादी केन्द्रकी स्थायी समिति सदस्य तथा पूर्व मन्त्री पम्फा भुसाललाई मातृ शोक परेको छ । उनकी आमा इन्द्रकला भुसालको सोमबार बिहान ७ बजे निधन भएको हो । 

९३ वर्षीय भुसालको उनकै ललितपुरस्थित आफ्नै निवासमा निधन भएको पार्टी अध्यक्ष पुष्पकमल दाहालले जानकारी दिएका छन् ।

उनले ट्वीटरमार्फत दिवंगत आमाप्रति हार्दिक श्रद्धाञ्जली अर्पण गर्दै शोक सन्तप्त परिवारजनमा गहिरो समवेदना प्रकट गरेका छन् । 

हाम्रो पार्टीका स्थायी समिति सदस्य पम्फा भुसालकी ममतामयी आमा इन्द्रकला भुसालको ९३ वर्षको उमेरमा आज बिहान ७ बजे आफ्नै निवास ललितपुरमा निधन भएको खबरले दु:ख लागेको छ । दिवंगत आमाप्रति हार्दिक श्रद्धाञ्जली अर्पण गर्दै शोक सन्तप्त परिवारजनमा गहिरो समवेदना प्रकट गर्दछु ।

— ☭ Comrade Prachanda (@cmprachanda) July 5, 2021