‘भेरोसेल’ खोप लिन बाइडबडी आज चीन जाँदै, पहिलो डोज ५५ वर्षमाथिका नागरिकलाई दिइने

सुनौलो नेपाल
बिहिबार, २४ असार २०७८

काठमाडौं । सरकार-सरकार (जिटुजी) मार्फत ल्याउन लागिएको कोरोना भाइरस विरुद्धको ‘भेरोसेल’ खोप लिन आज नेपाल वायुसेवा निगमको बाइडबडी ए ३३० जहाज चीन जाने भएको छ ।

स्वास्थ्य तथा जनसङ्ख्या मन्त्रालयका प्रवक्ता डा.कृष्णप्रसाद पौडेलले चीनबाट भेरोसेल खोप ल्याउनका लागि आज साँझ जहाज त्यसतर्फ जाने बताए । आजदेखि साउन ८ गतेसम्म तीनवटा उडानमार्फत खोप ल्याउन लागिएको हो।

जहाजले असार २५ गते खोप ल्याउने छ। यस्तै असार ३१ गते पुनः बाइडबडी जहाज खोप लिन गएर साउन १ गते तथा साउन ७ गते पुनः जहाज नेपालबाट गएर साउन ८ गते खोप ल्याउने छ।

स्वास्थ्य तथा जनसङ्ख्या मन्त्रालयअन्तर्गतको स्वास्थ्य आपत्तकालीन कार्य सञ्चालन प्रमुख डा.समीरकुमार अधिकारीले चीनबाट ल्याउन लागेको भ्याक्सिन अर्को हप्तादेखि लगाउन शुरु गरिने बताए । उनका अनुसार पहिलो मात्रा (डोज) ५५ वर्षमाथिका नागरिकलाई दिने भएको छ ।

चीनको सिनोफार्म कम्पनीबाट सरकारले भेरोसेल खोप खरिद गर्न लागेको हो।

ताजा अपडेट

लोकप्रिय

‘भेरोसेल’ खोप लिन बाइडबडी आज चीन जाँदै, पहिलो डोज ५५ वर्षमाथिका नागरिकलाई दिइने