चीनबाट ८ लाख डोज खोप नेपाल आइपुग्यो

सुनौलो नेपाल
शनिबार, २६ असार २०७८

काठमाडौँ । कोरोना भाइरसविरुद्धको ८ लाख डोज खोप नेपाल आइपुगेको छ ।

चीनसँग ४० लाख खोप ल्याउने सम्झौता भएअनुसार शुक्रबार पहिलो चरणमा ८ लाख डोज खोप नेपाल आइपुगेको हो । बिहीबार चीन गएको नेपाल वायुसेवा निगमको जहाजले शुक्रबार खोप नेपाल ल्याएको हो ।

सरकारले चीनियाँ खोप कम्पनी सिनोफार्मसँग ४० लाख डोज भेरोसेल ल्याउने सम्झौता गरेको छ। चीनबाट भेरोसेल भित्रिएपछि दोस्रो डोज र पहिलो डोज खोप दिइने स्वास्थ्य मन्त्रालयले जनाएको छ ।

यता अमेरिकाबाट अर्को साता १५ लाख डोज खोप आउने भएको छ । नेपालस्थित अमेरिकी दूतावासले आउन लागेको खोप नेपाली जनताका लागि अमेरिकी जनताको तर्फबाट उपहार भएको जनाएको छ ।

भारतसँग खरिद सम्झौता भएको कोभिडसिल्ड खोप भारतले रोक्दा र अन्य देशबाट पनि खोप नआउँदा नेपालमा पहिलो डोज खोप लगाएका १२ लाखभन्दा बढी दोस्रो डोज खोप लगाउनबाट बञ्चित भएका छन्।

ताजा अपडेट

लोकप्रिय

चीनबाट ८ लाख डोज खोप नेपाल आइपुग्यो