काठमाडौं । अमेरिकाले नेपालका लागि अनुदानमा दिने कोरोना भाइरसविरुद्धको १५ लाख डोज खोप आगामी सोमबार बिहान आइपुग्ने भएको छ ।

जोन्सन एण्ड जोन्सन कम्पनीको सो खोप सोमबार बिहान काठमाडौं आइपुग्ने प्रधानमन्त्रीका परराष्ट्र सल्लाहकार डा.राजन भट्टराईले जानकारी दिएका हुन् । उनले खोप उपलब्ध गराइदिएकोमा अमेरिकी सरकारलाई धन्यवाद दिएका छन् । ट्वीटरमार्फत दिएको जानकारीमा उनले थप खोप ल्याउन पहल भइरहेका पनि बताएका छन् ।

यसअघि, अमेरिकी राष्ट्रपति जो बाइडेनले विपन्न र गरिब मुलुकलाई ८० मिलियन डोज खोप उपलब्ध गराउने घोषणा गरेका थिए। सोही अनुरुप अमेरिकाले नेपाललाई खोप पठाउन लागेको हो।  

अमेरिकन सरकारले COVAX मार्फ़त अनुदानमा नेपाललाई दिन लागेको 15 लाख J & J Vaccine आगामी सोमबार बिहान काठमाण्डू आइपुग्ने भएको छ । US सरकार तथा पहलकर्ता सबैलाई धन्यबाद ।

— Rajan Bhattarai (@Rajanktm) July 10, 2021