पारस धामी / बझाङ । जिल्लाको छबिस पाथिभेरा गाउँपालिकामा एकजना ब्यक्ती गएराती आफ्नै कोठामा मृत अबस्थामा फेला परेका छन् । छबिस पाथिभेरा गाउँपालिका –७ पर्ने बुडखोरीको पाटे भन्न्ने ठाँउमा १८ वर्षका युवक मनोज धामी मृत अबस्थामा फेला परेका हुन् ।
साँझ खाना खाएर सुतेका उनि बिहान मृत अबस्थामा भेटिएको त्यहाँका स्थानिय पारस धामीले जानकारी दिए । उनका अनुसार मृतक सिमेन्ट लगाएको घरमा झ्याल ढोका सबै बन्द गरेर आफु गुम्म कोठा भित्र आगो बालेर सुतेका थिए, यसरी अक्सिजनको अभाब हुँदा उनको मृत्यु भएको हुनसक्ने उनले बताए ।
मृतक सोही गाउँपालिकामा पर्ने मजखोरी उच्च माध्यामिक विद्यालयमा कक्षा दशमा पड्थे ।