काठमाडौं । नाडा अटोमोबाइल एशोसिएशन अफ नेपालका अध्यक्ष ध्रुव थापाले अटोमोबाइल क्षेत्रले अपेक्षा गरे अनुरुपको मौद्रिक नीति नआएको बताएका छन् ।

नाडाका अध्यक्ष थापाले आईतवार राष्ट्र बैंकले जारी गरेको मौद्रिक नीतिले अटोमोबाइल क्षेत्रले दिएका सुझाव र अपेक्षा अनुसारको मौद्रिक नीति नआएको बताए । मंगलवार मौद्रिक नीतिबारे प्रतिक्रिया दिँदै अटोमोबाइल क्षेत्रलाई मौद्रिक नीतिले उपेक्षा गरेको बताए ।

उनले अटोमोबाइल क्षेत्रले मौद्रिक नीतिबाट धेरै अपेक्षा गरेको भएपनि अर्थतन्त्र सकारात्मक मोडमा हुँदा समेत अपेक्षा अनरुपको मौद्रिक नीति पाउन नसकिएको गुनासो गरे । उनले लामो समयदेखि थला परेको अटोमोबाइल क्षेत्रल हायर पर्चेज कर्जाको जोखिमभार र लोन टु भ्यालु रेसियो र चालुपुँजी कर्जामा सहजिकरणको माग राख्दा पनि राष्ट्र बैंकले सम्बोधन गर्न नसकेको बताए ।

उनले राष्ट्र बैंकले चालुपुँजी कर्जा मार्गनिर्देशनलाई पुनरावलोकन गर्ने भनेकाले केही आशा रहेको बताए । उनले लोन टु भ्यालु रेसियोको विषयमा मौद्रिक नीतिले केही नबोलेको भन्दै सर्कुलरमा केही आउने अपेक्षा रहेको बताए । उनले अटोमोबाइल क्षेत्र सबैभन्दा जोखिममा परेको हायर पर्चेज कर्जाको जोखिम भार रहेको भन्दै यसमा केही सम्बोधन भए पनि पर्याप्त नभएको बताए । उनले २५ लाखसम्मको कर्जा भनेको अटोमोबाइल क्षेत्रको लागि एकदमै न्युन भएको बताए ।

उनले २५ लाख कर्जामा जोखिमभार कम गर्दैमा अटोमोबाइल क्षेत्रमा सकारात्मक प्रभाव ल्याउन नसक्ने दाबी गरे । उनले शेयर बजार,घरजग्गा कारोबार तथा अन्य व्यापार व्यवसाय चलायमान भए मात्रै अटोमोबाइल व्यवसाय चलायमान हुने बताए । उनले निजी क्षेत्रमा जाने कर्जालाई संकुचन गर्दा अर्थतन्त्र चलायमान हुन नसक्ने बताए ।

उनले भने, ‘अटोमोबाइल क्षेत्रले मौद्रिक नीतिबाट धेरै अपेक्षा गरेको थियो । अर्थतन्त्र सकारात्मक मोडमा गइरहेकाले आशा ठूलो नै थियो । अटोमोबाइल क्षेत्रले अपेक्षा अनरुपको मौद्रिक नीति प्राप्त गर्न सकेनौं । लामो समयदेखि थला परेको अटोमोबाइल क्षेत्रले धेरै माग केही राखेको थिएन । एक वर्षदेखि अटोमोबाइल क्षेत्र कठिन परिस्थितीबाट गुज्रिरहेको छ । हायर पर्चेज कर्जाको जोखिमभार र लोन टु भ्यालु रेसियो र चालुपुँजी कर्जामा सहजिकरणको माग राखेका थियौं । राष्ट्र बैंकले चालुपुँजी कर्जा मार्गनिर्देशनलाई पुनरावलोकन गर्ने भनेकाले केही आशा गरेका छौं । लोन टु भ्यालु रेसियोको विषयमा मौद्रिक नीतिले केही पनि बोलेन । मौद्रिक नीतिमा समावेश नभए पनि सर्कुलरमा केही आउने अपेक्षा छ । अटोमोबाइल क्षेत्र सबै भन्दा जोखिममा परेको हायर पर्चेज कर्जाको जोखिम भारको कुराले हो । यसमा केही सम्बोधन भएको छ । २५ लाखको कर्जामा जोखिमभार १०० बनाउँदैमा ठूलो प्रभाव पार्ने अवस्था देखिएको छैन । २५ लाखसम्मको कर्जा भनेको अटोमोबाइल क्षेत्रको लागि एकदमै न्युन हो । २५ लाख भनेको इन्ट्री लेवलका गाडीहरुको मात्रैको कर्जा हो । यसले अटोमोबाइल क्षेत्रमा सकारात्मक प्रभाव ल्याउन सक्दैन । शेयर बजार,घरजग्गा कारोबार तथा अन्य व्यापार व्यवसाय चलायमान भए मात्रै अटोमोबाइल व्यवसाय चलायमान हुने हो । सम्पूर्ण व्यवसायी रक्षात्मक अवस्थामा रहेकाले मौद्रिक नीतिमा सबै क्षेत्र ठूलो अपेक्षा थियो । निजी क्षेत्रमा जाने कर्जा बिस्तार घटाएकाले मौद्रिक नीतिले निजी क्षेत्रलाई प्राथमिकतामा राखेको पाइन । निजी क्षेत्रमा जाने कर्जालाई संकुचन गर्दा अर्थतन्त्र चलायमान हुन सक्दैन । मौद्रिक नीतिको कारण बैंकको ब्याजदर घट्ने अवस्था छैन । बैंकको ब्याजदर बढी भएकाले बैंकमा तरलता थुप्रिएर बस्दा पनि निजी क्षेत्रले कर्जा लिन सकेको छैन । मुलुकको अर्थतन्त्र चलायमान बनाउन अटोमोबाइल क्षेत्रको महत्वपूर्ण योगदान छ । राज्यले अटोमोबाइल क्षेत्रलाई हेरक पटक उपेक्षा गरेको छ । अटोमोबाइल क्षेत्रलाई राजश्वको स्रोतको रुपमा हेर्ने तर नीति निर्माण गर्दा अटोमोबाइल मैत्री नभएर बाहिर राख्ने काम प्रवृत्ति प्रत्येक वर्ष देखिन्छ । अटो व्यवसायीहरुले ल्याएको ४ हजार भन्दा साडीहरु भन्सारमा नै थन्किएर बसेका छन् । भन्सारमा गाडी रोकिँदा राज्यलाई अर्बौं राजश्व गुमिरहेको छ । अहिले धेरै अटोमोबाइल व्यवसायीहरु पलायन भइसकेका छन् ।’

अध्यक्ष थापाले मौद्रिक नीतिको कारण बैंकको ब्याजदर घट्ने अवस्था नभएको भन्दै बैंकको ब्याजदर बढी भएकाले बैंकमा तरलता थुप्रिएर बस्दा पनि निजी क्षेत्रले कर्जा लिन नसकेको बताए ।

अध्यक्ष थापाले मुलुकको अर्थतन्त्र चलायमान बनाउन अटोमोबाइल क्षेत्रको महत्वपूर्ण योगदान भएपनि राज्यले अटोमोबाइल क्षेत्रलाई हेरक पटक उपेक्षा गर्ने गरेको गुनासो गरे । उनले सरकारले अटोमोबाइल क्षेत्रलाई राजश्वको स्रोतको रुपमा हेर्ने तर नीति निर्माण गर्दा अटोमोबाइलमैत्री नभएर बाहिर राख्ने गरेको बताए ।

उनले अटो व्यवसायीहरुले ल्याएको ४ हजार भन्दा साडीहरु भन्सारमा नै थन्किएर बसेको बताए । उनले अहिले धेरै अटोमोबाइल व्यवसायीहरु पलायन भइसकेको बताए ।