आइतवार, जेठ २४ गते २०८३
आइतवार, जेठ २४ गते २०८३
आइतवार, जेठ २४ गते २०८३
सोमवार , फाल्गुण ११, २०८२
गण्डकी । सवारी दुर्घटना न्यूनीकरणका लागि कास्की प्रहरीले मादक पदार्थ सेवन (मापसे) जाँचलाई तीव्र पारेको छ ।
केही दिनअघि ‘मापसे’ गरी स्कूल बस चलाउने १० जना चालकलाई नियन्त्रणमा लिएको प्रहरीले आइतबार पोखराबाट छ जना सार्वजनिक सवारीसाधनका चालकलाई ‘मापसे’ गरेको आरोपमा पक्राउ गरेको हो ।
जिल्ला ट्राफिक कार्यालय र वडा प्रहरी कार्यालय राम बजारको संयुक्त टोलीले माइक्रो चालक २४ वर्षीया विवेक घले, ३८ वर्षीय नीरबहादुर सुनार, बस चालक ४६ वर्षीय रञ्जित बराल, ३२ वर्षीय बेलबहादुर विक, ४० वर्षीय गणेश खड्का र २९ वर्षीय प्रदीप परियारलाई नियन्त्रणमा लिइएको जिल्ला प्रहरी कार्यालयका प्रहरी नायब उपरीक्षक हरिबहादुर बस्नेतले जानकारी दिए ।
बिहान ४ बजेदेखि साँझ ६ बजेभित्रको समयमा जाँच गर्दा मादक पदार्थ सेवन गरेको पाइएकाले उनीहरूलाई पक्राउ गरी कानुनी कारबाहीको प्रक्रिया अगाडि बढाइएको उनको भनाइ छ । प्रहरीले शनिबार फेवातालमा सञ्चालनमा रहेका डुङ्गा चालकहरूको ‘मापसे’ र लागुपदार्थ सेवन ‘लापसे’ जाँच गरेको थियो ।
४५ जना डुङ्गा चालकलाई जाँच गर्दा चार जना डुङ्गा चालकले ‘लापसे’ गरेको र एक जना डुङ्गा चालकले ‘मापसे’ गरेको पाइएपछि उनीहरूलाई पक्राउ गरी कानुनी कारबाहीको प्रक्रिया अगाडि बढाइएको प्रहरीले जनाएको छ । पछिल्लो समय प्रहरीले कास्कीमा ‘मापसे’ जाँचलाई तीव्रता दिएको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस