शनिवार, जेठ २३ गते २०८३
शनिवार, जेठ २३ गते २०८३
शनिवार, जेठ २३ गते २०८३
शनिवार , चैत्र १४, २०८२
काठमाडौं । भदौ २३ को बानेश्वर घटनालाई लिएर सरकारले कडा कदम चालेको छ। सो समयमा गृहमन्त्री रहेका रमेश लेखकलाई शनिबार बिहान ५ः४० बजे भक्तपुरको कटुञ्जेस्थित उनकै निवासबाट प्रहरीले नियन्त्रणमा लिएको छ ।
उपत्यका अपराध अनुसन्धान कार्यालय र सशस्त्र प्रहरीको संयुक्त टोलीले लेखकलाई जरुरी पक्राउ पुर्जी थमाउँदै नियन्त्रणमा लिएको हो । भदौ २३ र २४ मा भएको जेनजी प्रदर्शनका क्रममा प्रहरीको गोली लागेर किशोरहरूको मृत्यु भएपछि गठित गौरीबहादुर कार्की नेतृत्वको आयोगले लेखकसहित उच्च अधिकारीहरूमाथि फौजदारी अनुसन्धान गर्न सिफारिस गरेको थियो ।
शुक्रबार मात्रै कार्यभार सम्हालेको बालेन्द्र शाह नेतृत्वको मन्त्रिपरिषद्को पहिलो बैठकले कार्की आयोगको प्रतिवेदन तत्काल कार्यान्वयन गर्ने निर्णय गरेको थियो। सोही निर्णयको आधारमा गृहमन्त्री सुधन गुरुङ र सुरक्षा निकायका प्रमुखहरूबीच भएको छलफलपछि शनिबार बिहानै यो कारबाही अघि बढाइएको हो ।
प्रहरी स्रोतका अनुसार लेखकलाई हाल काठमाडौँ ल्याइँदैछ र उनीमाथि बानेश्वर घटनामा जिम्मेवार रहेको भन्दै थप कानुनी प्रक्रिया अघि बढाइनेछ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस