शनिवार, जेठ २३ गते २०८३
शनिवार, जेठ २३ गते २०८३
शनिवार, जेठ २३ गते २०८३
शनिवार , चैत्र १४, २०८२
काठमाडौं । नेकपा एमालेका अध्यक्ष केपी शर्मा ओली पक्राउ परेपछि नेकपा एमालेका कार्यकर्ताहरू आन्दोलित भएका छन् । शनिबार बिहान ओलीलाई भक्तपुरस्थित निवासबाट पक्राउ गरिए लगत्तै एमालेले संघीय राजधानी काठमाडौंका विभिन्न स्थानमा प्रदर्शन सुरु गरेको हो ।
ललितपुरको च्यासलस्थित पार्टी मुख्यालयमा सचिवालय बैठक बसिरहेकै बेला काठमाडौंको चावहिल लगायतका क्षेत्रमा एमाले कार्यकर्ताहरूले सडक अवरुद्ध पार्दै प्रदर्शन गरिरहेका छन् । उनीहरूले टायर बालेर र सरकारविरुद्ध चर्को नाराबाजी गर्दै प्रतिशोधपूर्ण राजनीति बन्द गर भन्दै प्रदर्शनलाई तीव्र पारेका हुन् ।
अध्यक्ष ओली पक्राउ परेपछि विकसित राजनीतिक घटनाक्रम र आगामी रणनीति तय गर्न एमालेको सचिवालय बैठक जारी छ । बैठकले देशभर जनप्रदर्शन र आन्दोलनका कार्यक्रमहरू घोषणा गर्ने तयारी गरिरहेको बुझिएको छ ।
प्रदर्शनकारीहरूले सडकमा उत्रिएर नाराबाजी गरेपछि चावहिल, गौशाला र महाराजगञ्ज क्षेत्रको सुरक्षा व्यवस्था कडा पारिएको छ । एमालेका नेताहरूले यो पक्राउलाई सरकारको कायरतापूर्ण कदम भन्दै अबको आन्दोलन सडकबाटै वारपार हुने चेतावनी दिएका छन् ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस