शनिवार, जेठ २३ गते २०८३
शनिवार, जेठ २३ गते २०८३
शनिवार, जेठ २३ गते २०८३
आइतवार , चैत्र १५, २०८२
काठमाडौं । सरकारले नेपालमा अवैध रूपमा सञ्चालन भइरहेका सबै प्रकारका सट्टेबाजी एप तथा सम्बन्धित वेबसाइटहरूलाई पूर्ण रूपमा बन्द गर्ने निर्णय गरेको छ । प्रधानमन्त्री बालेन्द्र शाह नेतृत्वको मन्त्रिपरिषद्को पहिलो बैठकले स्वीकृत गरेको १०० बुँदे ‘शासकीय सुधार कार्यक्रम’ अन्तर्गत यो कडा कदम चालिएको हो ।
प्रधानमन्त्री कार्यालयले नेपाल दूरसञ्चार प्राधिकरण र नेपाल प्रहरीको साइबर ब्यूरोलाई पत्र लेख्दै २४ घण्टाभित्र त्यस्ता सबै प्लेटफर्महरू ब्लक गर्न निर्देशन दिएको छ । नेपालमा विदेशी सट्टेबाजी एपहरू र ती सँग सम्बन्धित प्रवर्द्धनात्मक पेजहरूले सामाजिक सञ्जालमा ठूलो प्रभाव पारिरहेको अवस्थामा सरकारले यो निर्णय लिएको हो ।
नेपालमा सट्टेबाजी गैरकानुनी भए पनि स्पष्ट कानुनको अभावमा यस्ता गतिविधि नियन्त्रण गर्न चुनौती बनिरहेको थियो । तर, अब शासकीय सुधारको कार्यसूचीमार्फत सरकारले यसलाई साइबर अपराध र अवैध धन परिचालनको श्रेणीमा राखेर कडा कारबाही गर्ने संकेत गरेको छ।
यसअघि खेलकुद इभेन्टहरूमा प्रत्यक्ष संलग्न सट्टेबाजहरू मात्र पक्राउ पर्ने गरेकोमा अब डिजिटल माध्यमबाट प्रचार गर्ने र लगानी गर्नेहरू समेत प्रहरीको निशानामा पर्ने भएका छन् ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस