सुनौलो नेपाल
पोखरा – नेकपा (एमाले) ले पोखरा महानगरपालिकाको मेयरमा सुन चोरेको आरोप लागेका दीपक पौडेलको टिकट खोसिएपछि पोखरेलीमा खुसियाली छाएको छ।
शनिवार बसेको एमाले सचिवालय बैठकले पौडेललाई टिकट दिने निर्णय गरेपछि एकाएक पौडेलले सुन चोरेको भिडियो फुटेज सार्वजनिक भएपछि पोखरेली एमालेमा निराशा छाएको थियो।
सार्वजनिक आलोचना भएपछि भएपछि नैतिक दबाबमा परेको एमाले नेतृत्वले उनको टिकट खोसेर अन्तत कृष्ण थापालाई दिएको छ ।
शनिवार सचिवालय बैठकको निर्णय लगत्तै आइतवार एउटा पसलबाट सुनको गहना निकालेर खल्तीमा हालेको सिसीटीभि फुटेज भाइरल भएपछी एमाले उनको टिकट खोस्न बाध्य भएको हो ।
मेयरको टिकट पाएका थापा २०५४ सालमा पनि पोखराको मेयर भएर काम गरेका ब्यक्ति हुन् । २०७० मा भने कास्की २ बाट संघीय चुनावमा पराजित भएका थिए ।
उनी हाल गण्डकी प्रदेश सभा सदस्य समेत हुन्। त्यस्तै उपमेयरमा भने पुनः मन्जु गुरुङ नै उम्मेदवार बनेकी छिन् ।
थापा र गुरुङ दुवैजना नेकपा एमालेका केन्द्रीय सदस्य समेत हुन् ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
