सुनौलो नेपाल
काठमाडौं । नेपाली कांग्रेसका सभापतिसमेत रहेका प्रधानमन्त्री शेरबहादुर देउवाले छ मध्ये दुई महानगरको मेयरमा महिला उम्मेदवार उठेकोले दुबै जनालाई जिताउन आग्रह गरेका छन्। भरतपुरको मेयरमा रेनु दाहाललाई र काठमाडौंको मेयरमा सिर्जना सिंहलाई जिताउन उनले आग्रह गरेका छन् ।
सत्तागठबन्धनले आज काठमाडौंमा गरेको चुनावी सभामा बोल्दै देउवाले महिलालाई मेयरमा जिताउन आग्रह गरेका थिए। ‘भरतपुरमा रेनु र काठमाडौंमा सिर्जनालाई अत्याधिक बहुमतले जिताऔं,’ उनले भने, ‘राजधानीमै महिलालाई हरायो भने दुनियाँले के भन्लान ?’
उनले काठमाडौंमा फोहोर समस्या रहेकोले मेयर जितेको छ महिनाभित्र व्यवस्थापन गरिने पनि बताएका थिए ।
‘धरानमा फोहोरबाट ग्यास निकालेको छ। काठमाडौंमा पनि फोहोरबाट ग्यास र बिजुली निकाल्न सकिन्छ,’ उनले भने ।
उनले अहिलेको व्यवस्थाअनुसार कुनै एक दलको मात्रै बहुमत नआउने देखिएकोले चुनावी गठबन्धन गरिएको बताएका थिए । उनले कुनै पनि हालतमा गठबन्धनलाई सफल बनाउनुपर्ने बताएका थिए।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
