सुनौलो नेपाल
काठमाडौं । दैलेखको दुल्लु नगरपालिकामा नेपाली काँग्रेसका भरत रिजाल निर्वाचित भएका छन् । उनले नेकपा एमालेका रुद्र शाहीलाई १३३ मतान्तरले पराजित गरेका हुन् । रिजालले ७ हजार ७२५ मत ल्याएका छन् भने शाहीले ७ हजार ५९२ मत पाए ।
उपप्रमुखमा भने नेकपा एमालेले जितेको छ । एमालेकी बीना कार्कीले ७३ मतान्तरले नेकपा माओवादीका टेकबहादुर खड्कालाई ३७ मतान्तरले पराजित गरेकी हुन् । कार्कीले ७ हजार १६० मत ल्याउँदा खड्काले ७ हजार ८७ मत प्राप्त गरे । यहाँ नेपाली काँग्रेस र माओवादीबीच गठबन्धन थियो ।
१३ वटा वडा रहेको यो नगरपालिकामा एमालेले ६ वटा वडामा जितेको छ भने चार वटा वडामा माओवादीले जितेको छ । यस्तै काँग्रेसले तीन वटा वडामा जित हासिल गरेको छ ।
०७४ को स्थानीय तहको निर्वाचनमा पनि यो पालिकामा काँग्रेसका घनश्याम भण्डारीले ६ हजार तीन सय ४९ मत ल्याएर निर्वाचित भएका थिए भने उपप्रमुखमा एमालेकी विष्णु थापाले ६ हजार ४७८ मत ल्याएर निर्वाचित भएकी थिइन् । यो दैलेख क्षेत्र नं २ को सबैभन्दा ठुलो स्थानीय तह हो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
