सुनौलो नेपाल
काठमाडौं । राष्ट्रिय मानव अधिकार आयोगले चालु आर्थिक वर्षको बैशाख महिनासम्ममा ११२ वटा मानव अधिकार हनन्का घटनामा उजुरी दर्ता भएको बताएको छ । राष्ट्रिय मानव अधिकार आयोगका अध्यक्ष टोपबहादुर मगरले चालू आर्थिक वर्षको बैशाख महिनासम्म सो संख्यामा मानव अधिकार हनन्को घटनाको उजुरी आयोगमा आएको जानकारी दिएका हुन् ।
आयोगको २२ औं वार्षिकोत्सवको अवसर पारेर शुक्रबार ललितपुरमा आयोजित एक कार्यक्रममा बोल्दै उनले चालू आर्थिक वर्षमा मात्रै मानव अधिकार हनन्का ३३९ वटा उजुरीको निर्णय गरिएको पनि बताए । अध्यक्ष मगरले मानव अधिकार हनन्का घटनाको विश्लेषण गर्दा महिला अधिकार, जातीय विभेद, बालअधिकार र विकासका अधिकार मुख्य विषयहरुलाई लिएर आयोगमा उजुरी आउने गरेको पनि बताए ।
त्यस अवसरमा अध्यक्ष मगरले भूकम्पबाट क्षतिग्रस्त आयोगको भवन पुनर्निर्माण गर्नका लागि सरकारको ध्यानाकर्षण पनि गराए । उनले मानव अधिकारको प्रत्याभूति दिलाउन सरकारले कार्यदल गठन गरी काम अघि बढाएकोमा खुशी समेत व्यक्त गरे ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
