सुनौलो नेपाल
काठमाडौं । सामाजिक सञ्जालमार्फत नाबालिका र महिलाको चरित्र हत्या गर्ने दुई जना पक्राउ परेका छन् । नेपाल प्रहरीको साइबर ब्यूरोले काभ्रेको धुलिखेल नगरपालिका– ६ चोच्छेका २० वर्षीय बिकेश सोजुँ र खोटाङ ऐसेलुखर्क गाउँपालिका–१ घर भई हाल काठमाडौंको बालाजु बस्दै आएकी २० वर्षीया भोज कुमारी दाहाललाई पक्राउ गरिएको हो।
ब्यूरोका अनुसार सोजुँले नाबालिकाको तस्बीर इडिट गरी अश्लिल भिडियो बनाएर नाबालिकाको आफन्त तथा साथीभाईलाई पठाएको आरोपमा जिल्ला अदालत काठमाडौंले उनीमाथि पक्राउ पुर्जी जारी गरेको थियो। सोही अनुसार ब्यूरोको टोलीले सोजुँलाई बुधबार धुलिखेलबाट पक्राउ गरेको हो।
त्यस्तै दाहालले पीडित महिलाको तस्वीर दुरुपयोग गरी समाजमा अपाच्य हुने फोटो क्याप्सन राखेर सामाजिक सञ्जालमा पोस्ट गरेको आरोप छ । जिल्ला अदालत काठमाडौंकै अनुमतिपछि दाहाल पक्राउ परेकी हुन्।
पक्राउ परेका दुबैजदनालाई अदालतबाट पाँच दिनको म्याद थप गरी विद्युतीय कारोबार ऐन २०६३ अन्तर्गतको कसुरमा थप अनुसन्धान भइरहेको ब्यूरोका प्रवक्ता प्रहरी वरिष्ठ उपरीक्षक नविन्द्र अर्यालले जानकारी दिएका छन्।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
