सुनौलो नेपाल
काठमाडौं । पाकिस्तानको निर्वाचन आयोगले पूर्वप्रधानमन्त्री इमरान खानको दल पाकिस्तान तहरिक ए इन्साफ पीटीआईले विदेशबाट गैरकानूनी रकम लिएको ठहर गरेको छ । आयोगका प्रमुख निर्वाचन आयुक्त सिकन्दर सुल्तान राजाको नेतृत्वमा गठित ३ सदस्यीय समितिले पीटीआईले कानून विपरीत विदेशी संघ संस्था र व्यक्तिबाट रकम लिएको ठहर गर्दै त्यो रकम किन जफत नगर्ने भनेर स्पष्टिकरण सोधेको छ । पीटीआईका संस्थापक सदस्य अकबर एस बाबरले दायर गरेको उजुरी सन् २०१४ देखि आयोगको विधाराधीन थियो ।
‘पार्टीले संविधानको उल्लंघन गरेको छ, उसले ३४ वटा विदेशी संगठनबाट रकम लिएको छ, जुन पाकिस्तानको कानून विपरीत छ ।’ उजुरीमा सुनुवाइपछि आयोगले भनेको छ । पीटीआईले अमेरिका, अष्ट्रेलिया तथा यूएईमा रहेका संघ संस्थाबाट रकम लिएको थियो ।
आयोगले इमरान खानले पाकिस्तानी कानून अनुसारको आफ्नो जिम्मेवारी पूरा गर्न पनि असफल भएको ठहर गरेको पाकिस्तानी सञ्चारमाध्यमले जनाएका छन् ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
