काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङले अब विद्युतीय चार्जिङ स्टेसन देशभर बनाउने लहर चालाउनुपर्ने आवश्यकता रहेको बताएका छन् । मंगलवार सुन्दर यातायात प्रा.लि.ले आयोजना गरेको विद्युतीय स्कुटर सार्वजनिक कार्यक्रममा बोल्दै प्रमुख कार्यकारी निर्देशक घिसिङले यस्तो बताएका हुन् ।

घिसिङले चार्जिङ स्टेसन बनाउनको लागि प्राधिकरणले निजी क्षेत्रलाई प्रोत्साहन गरिरहेको बताए । उनले निजी क्षेत्रले चाजिङ स्टेशन बनाउने स्थानसम्म प्राधिकरणले आफ्नै लागतमा विद्युत र ट्रान्सफर राखिदिने बताए ।

प्रमुख कार्यकारी निर्देशक घिसिङले नेपालमा खाना पकाउनदेखि सवारी साधन समेत विद्युतीय प्रयोग गर्दा कुल आयातमा २० गुणा कम हुने दाबी गरे । उनले हरेक काममा विद्युत प्रयोग गर्दा नेपालमा नै २५ देखि ३० अर्बको विद्युत खपत हुने बताए । घिसिङले नेपालमा नै २५ देखि ३० अर्बको विद्युत खपत गर्नसक्दा करिव ५ खर्ब बराबरको आयातलाई प्रतिस्थापन गर्न सकिने बताए । उनले विद्युत कम मूल्यको खपत भएपनि धेरै मूल्य बराबरको आयातलाई कम गराउनसक्ने बताए ।

उनले भने,‘नेपालमा सबै काम विद्युतीय माध्यमबाट गर्नसक्यौं भने कुल आयातमा २० गुणा कम हुन्छ । सम्पूर्ण खाना पकाउने ग्यासको ठाउँमा विद्युत र सवारी साधन पनि विद्युतीय प्रयोग गरियो भने २५ देखि ३० अर्बको विद्युत खपत हुन्छ । त्यसले करिव ५ खर्बको आयातलाई प्रतिस्थापन गर्छ । विद्युत कम मूल्यको खपत हुन्छ तर धेरै मूल्य बराबरको आयातलाई कम गराउँछ । त्यसैले अब हरेक काम विद्युतीय माध्यमबाट गर्नुपर्छ । विद्युतीय चार्जिङ स्टेशन देशभर बनाउने लहर आउनुपर्छ । प्राधिकरणले निजी क्षेत्रलाई प्रोत्साहन गरिरहेका छौं । निजी क्षेत्रले चार्जिङ स्टेशन बनाउने स्थानसम्म प्राधिकरणले विद्युत पु¥याउने र ट्रान्सफरमर राख्ने काम गरेको छ । निजी क्षेत्रले प्राधिकरणले तोकेको भन्दा २० प्रतिशत विद्युतीय चार्जिङ शुल्क लिन सक्नुहुन्छ ।’