सुनौलो नेपाल
काठमाडौं । नेपाली कांग्रेसका नेता डा.मिनेन्द्र रिजालले आगामी निर्वाचनका लागि कांग्रेसले टिकट नदिएपछि आक्रोशित बनेका छन् ।
उनले अहिलेको टिकट वितरणबाट सभापति शेरबहादुर देउवाको विवेकको पनि परीक्षण भएको बताएका छन् ।
२०७४ मा मोरङ २ बाट निर्वाचित सांसद रिजाल यो पटक पनि उम्मेदवार बन्ने दौडमा थिए । तर सभापति देउवाले सुजाता कोइरालालाई टिकट दिएका छन् ।
पूर्वमन्त्री समेत रहेका रिजालले भने आफूलाई टिकट नदिएको औपचारिक जानकारी पार्टीले नदिएको, तर सुजाताले टिकट पाएको अन्यत्रबाटै गाहा पाएको बताए ।
‘सुजाताप्रति मेरो कुनै गुनासो छैन । उहाँ मेरो साथी नै हो, उहाँको भलो होस् भन्ने नै चाहन्छु ।’ उनले भने ।
तर आफूले टिकट नपाउनुबाट देउवाको विवेकको परीक्षण भएको रिजालले बताए ।
‘मैले के भन्ने ? उहाँबाट यस्ता काम हुनसक्छ भनेर देउवा होइन, अरु नै सभापति हुनुपर्छ भनेर उभिएको हुँ’, उनले भने, ‘मैले टिकट पाउने नपाउने भन्दा कांग्रेसमा नेतृत्वमाथि औंला उठाउने अधिकार नहोला कि भन्ने चिन्ता बढेको छ ।’
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
