सुनौलो नेपाल
काठमाडौँ । अष्ट्रेलिया पठाइदिने प्रलोभनमा पारेर रकम उठाउँदै ठगी गरेको आरोपमा एक यूवती पक्राउ परेकी छिन् । सुनसरीको धरान उपमहानगरपालिका वडा नं. १३ स्थाई घर भई हाल काठमाडौँ महानगर वडा नं. १ स्थित लाजिम्पाट बस्दैआएकी २५ वर्षीया सयना श्रेष्ठलाई अपराध अनुसन्धानबाट खटिएको विशेष प्रहरी टोलीले पक्राउ गरेको हो ।
श्रेष्ठले अमृता गुरुङलाई वैदेशिक रोजगारीको लागि अष्ट्रेलिया पठाईदिन्छु भन्दै अष्ट्रेलिया जानको लागि तीन लाख रुपैयाँ लाग्ने र त्यहाँ मासिक ३ लाख तलबको काम लगाइदिने विश्वास दिलाई प्रलोभनमा पारी निज पीडितबाट पटक–पटक गरी जम्मा ३० लाख रुपैँया रकम लिई सम्पर्क विहीन भई ठगी गरेको अभियोग उनीमाथि छ ।
वैदेशिक रोजगार विभागबाट अपराध अनुसन्धानमा गरिएको पत्राचार अनुसार खटिएको विशेष प्रहरी टोलीले निज सयना श्रेष्ठको खोजतलास गर्ने काठमाडौँको लाजिम्पाटबाट पक्राउ गर्नुका साथै थप अनुसन्धान तथा कारवाहीको लागि वैदेशिक रोजगार विभाग बुद्धनगर, काठमाडौँ पठाईएको प्रहरीले जनाएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
