काठमाडौं : नेपाल सरकारले १ लाख थान प्रोटेक्टिभ मास्क चीनलाई सहयोग गरेको छ।

नोवल कोरोना भाइरससँग जुधिरहेको चीनसंग पछिल्लो समय प्रोटेक्टिभ मास्कको अभाव हुन् थालेपछि नेपाल सरकारको निर्णय अनुसार शुक्रवार परराष्ट्रमन्त्री प्रदिप ज्ञवाली र स्वास्थ्य तथा जनसंख्या मन्त्री भानुभक्त ढकालले चिनियाँ राजदुत होउ यान्छीलाई मास्क हस्तान्तरण गरेका हुन्।

चीनमा नोवल कोरोना भाइरसको संक्रमणबाट जोगाउने मास्कको अत्याधिक माग भएपछि नेपाल सरकारले मास्क सहयोग गर्ने निर्णय गरेको थियो।

परराष्ट्र मन्त्रालयमा आयोजित सहयोग सामाग्री हस्तान्तरण कार्यक्रममा नेपालका लागि चिनियाँ राजदूत होउ यान्छीले कोरोना भाइरसको संक्रमणमा नेपाल लगायत अन्तर्राष्ट्रिय समुदायबाट प्राप्त सहयोग र एकता चीनका लागि महत्वपूर्ण भएको बताइन्। उनले यसबाट चिनियाँ नागरिक र नेतृत्वलाई थप उर्जा मिलेको समेत बताइन्।

बिहीवार प्रधानमन्त्री, उपप्रधानमन्त्री, मन्त्री, सचिवहरु लगायत सुरक्षा निकायका प्रमुखसहितको बैठकले नोवल कोरोना भाइरसँग जुधिरहेको चीनलाई १ लाख प्रोटेक्टिभ मास्क सहयोग गर्ने निर्णय गरेको थियो।

An expression of friendship and solidarity. Foreign Minister Hon. Mr. Pradeep K. Gyawali and Minister for Health and Population Hon. Mr. Bhanubhakta Dhakal handing over the protective masks donated by the GON to the Govt. of PRC today at MoFA. @PradeepgyawaliK @bairagi_shanker pic.twitter.com/AwUFUmyX23

— MOFA of Nepal 🇳🇵 (@MofaNepal) February 7, 2020