सुनौलो नेपाल
काठमाडौं। अन्तर प्रदेश सार्वजनिक यातायातका यात्रुवाहक तथा मालवाहक सवारीको भाडादर ७ प्रतिशतसम्मले बढेको छ। यातायात व्यवस्था विभागले इन्धनको मूल्यको आधारमा स्वचालित रुपमा भाडादर समायोजन गरेको हो।
विभागले अन्तर प्रदेशमा संचालन हुने यात्रुवाहक सवारीको भाडादर ४.७० प्रतिशत बढाएको छ। यस्तै विभागले पहाडी बाटोमा सञ्चालन हुने मालवाहक सवारीको हकमा ६.१५ प्रतिशत भाडादर बढाएको छ।
यसैगरी तराईको बाटोमा सञ्चालन हुने मालवाहक सवारीको हकमा ६.८३ प्रतिशतसम्म भाडा दर बढाइएको विभागले जनाएको छ।
सार्वजनिक यातायातको भाडा समायोजन गर्दा आधार मानिएको इन्धनको बजार मूल्य ५ प्रतिशत वा सो भन्दा बढीले बढेमा वा घटेमा वैज्ञानिक भाडा समायोजन प्रणाली अनुसार स्वचालित रुपमा अन्तर प्रदेश सार्वजनिक यातायातको भाडा बढ्ने वा घट्ने व्यवस्था छ। त्यही व्यवस्था अनुसार विभागले भाडादर बढाएको हो।
यो बढाइएको भाडादर अन्तर प्रदेश रुटमा मात्र लागु हुनेछ। प्रदेशहरुको हकमा भने प्रदेश सरकार आफृले भाडादर तोक्न पाउने छन्।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
