सुनौलो नेपाल
न्युयोर्क । अमेरिकी अन्तरिक्ष एजेन्सी नासाले चन्द्रमामा रुसी स्याटेलाइट लुना–२५ दुर्घटनाग्रस्त भएको स्थानको तस्बिर सार्वजनिक गरेको छ । समाचार एजेन्सी रोयटर्सका अनुसार लुना–२५ दुर्घटना भएको ठाउँमा १० मिटर चौडाइ भएको क्रेटर बनेको छ ।
नासाले साझा गरेको तस्बिरमा चन्द्रमाको सतहमा क्रेटर जस्तो आकार देखिन्छ । पछिल्लो ४७ वर्षमा रुसले चन्द्रमामा मिसन पठाएको यो पहिलो पटक थियो । लुना–२५ चन्द्रमाको दक्षिणी ध्रुवमा पुग्नुभन्दा एक दिनअघि १९ अगस्टमा दुर्घटना भएको थियो । प्राविधिक कारणले यो दुर्घटना भएको बताइएको छ ।
चन्द्रमामा बनेको यो नयाँ क्रेटर करिब १० मिटर चौडा रहेको नासाले जनाएको छ । नासाको विज्ञप्ति अनुसार नयाँ क्रेटर देखिने ठाउँ दुर्घटना स्थलको एकदमै नजिक छ।
चन्द्रमा ट्र्याक गर्ने अर्बिटरले यो तस्बिर खिचेको हो। प्राकृतिक कारणले नभई लुना–२५ दुर्घटनाका कारण खाडल बनेको हुनसक्ने बताइएको छ ।
लुना–२५ दुर्घटना भएको चार दिनपछि भारतले चन्द्रयान–३ चन्द्रमामा सफलतापूर्वक अवतरण गरेको थियो । एजेन्सी
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
