सुनौलो नेपाल
फागुन १९ काठमाडौं – चीनबाट उद्धार गरी भक्तपुरको खरिपाटीमा क्वारेन्टाइनमा राखिएका १ सय ७५ जनामा कोरोनाभाइरसको संक्रमण नभएको पुष्टि भएको छ। प्रयोगशाला परिक्षणमा उनीहरुमा कोरोनाभाइरस नेगेटिभ देखिएको हो। संक्रमण नभेटिएपछि उनीहरुलाई आजै घर पठाइने भएको छ।
क्वारेन्टाइनमा ल्याइएका उनीहरुको चीनबाट नेपाल आएको दिन पहिलो पटक नमुना परीक्षण गरिएको थियो।
विश्व स्वास्थ्य सङ्गठनको मापदण्डअनुसार पहिलो परीक्षण गरिएको दुई हप्तापछि दोस्रोपटक फेरि स्वास्थ्य परीक्षण गर्नुपर्ने प्रावधानअनुसार नै शनिबार परीक्षण भएको मन्त्रालयले जनाएको छ ।
उनीहरुको नमुना शनिबार संकलन गरिएको थियो। उनीहरुलाई ल्याउने चालक दलसहितका १८ जनाको टिमको पनि नमुनामा कोरोना पाइएको छैन। चालक दलका टिम आइतबार नै घर फर्किसकेका छन्। उनीहरुलाई नगरकोट क्वारेन्टाइनमा राखिएको थियो।
सरकारले फागुन ४ गते कोरोना इपिसेन्टर चीनको वुहानबाट १७५ नेपालीसहित १८ जना चालक दलका सदस्यलाई उद्दार गरि भक्तपुर क्वारेन्टाइनमा राखेको थियो।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
