सुनौलो नेपाल चैत्र ६ – कोरोना भाइरस उदगम् स्थलको रुपमा परिचित चीनको वुहानमा बुधवार कोरोना भाइरसको नयाँ संक्रमण देखिएको छैन भने इटालीमा ४७५ जनाको मृत्यु भएको छ ।

कोरानालाई चीनले लगभग नियन्यन्त्रमा लिईरहंदा इटालीमा भने कोरोना भाइरसका कारण मृत्यु हुनेको संख्या २९७८ पुगेको छ। यो चीनपछि दोस्रो ठूलो संख्या हो।

कोरोना भाइरसका कारण बुधबार सबैभन्दा धेरै इटालीमा मृत्यु भएको छ । बुधबार राती ११ बजेसम्म एकै दिन टालीसमा हालसम्म ३५ हजार ७१३ जना संक्रमित भएका छन्। बुधबार रातीसम्म मात्र एकै दिन ४ हजार २ सय ७ जना नयाँ संक्रमित फेला परेका छन्। बुधबार इटालीपछि इरानमा सबैभन्दा धेरैको मृत्यु भएको छ। इरानमा बुधबार १४७ जनाको मृत्यु भएको छ। त्यहाँ मृत्यु हुनेको संख्या ११३५ पुगेको छ। इरानमा हालसम्म १७३६१ जना संक्रमित भएका छन्। त्यस मध्ये बुधबारमात्र ११९२ जना संक्रमित भएका हुन्।

त्यसपछि स्पेनमा पनि बुधबार ९० जनाको मृत्यु भएको छ। त्यहाँ कुल मृत्यु हुनेको संख्या ६२३ पुगेको छ। स्पेनमा हालसम्म १३९१० जना संक्रमित भएकोमा बुधबारमात्र २०८४ जना संक्रमित भएको फेला परेको हो।

बुधबार रातीसम्म विश्वभर ८२० जनाको मृत्यु हुँदा कुल मृतकको संख्या ८७८ पुगेको छ। यो मध्ये चीनमा मात्र बुधबार ११ जना गरेर ३२२७ जनाको मृत्यु भएको छ। चीनमा बुधबार १३ जना नयाँ संक्रमित फेला परेका छन्। चीनमा हालसम्म ८० हजार ८९४ जना संक्रमित भएका छन्।

बुधबार विश्वभर १४५८१ जना नयाँ संक्रमित फेला परेका छन्। विश्वभर हालसम्म २१२७९९ जना संक्रमित भएका छन्। ती मध्ये ८४३१४ जना ठिक भएर अस्पतालबाट फर्किसकेका छन्।