३० वर्ष लामो समय बिमा क्षेत्रमा बिताएका दीपप्रकाश पाण्डे दुई दशकदेखि शिखर इन्स्योरेन्स कम्पनी लिमिटेडको व्यवस्थापकीय नेतृत्वमा छन् । शिखर इन्स्योरेन्समा आउनुअघि उनी एभरेष्ट इन्स्योरेन्समा थिए । प्रमुख कार्यकारी अधिकृत (सिइओ) हुनु पहिला उनी शिखर इन्स्योरेन्समा महाप्रवन्धक थिए । त्यसबेला शिखरमा दुई जना महाप्रवन्धक थिए । एक जनाले कम्पनीको प्राविधिक पाटो र अर्कोले बजार, वित्त तथा प्रशासनको जिम्मेबारी लिएका थिए । दुई जना महाप्रवन्धक हुँदै पाण्डे शिखर इन्स्योरेन्सको नेतृत्व गरेका थिए ।

त्यसपछि उनले निरन्तर रुपमा शिखर इन्स्योरेन्सको नेतृत्व गर्दै आएका छन् । उनले दुई दशक अवधिमा निर्जीवन बिमा व्यवसाय गर्ने कम्पनीहरु मध्ये शिखर इन्स्योरेन्सलाई पहिलो स्थानमा पुर्याउन सफल भएका छन् । व्यवसाय विस्तार गरेर शिखरलाई अझै सबल बिमा कम्पनी बनाउने सोच उनको छ । समग्र बिमा बजारको अवस्था र कम्पनीको भावी योजनामा केन्द्रीत रहेर सुनौलो नेपालका लागि प्रकाश वलीले सिइओ पाण्डेसँग गरेको कुराकानी  :

लामो समयदेखि शिखर इन्स्योरेन्सको नेतृत्वमा हुनुहुन्छ । नेतृत्वमा रहँदा कति सफल हुनुभयो ?

म अझै सफल भएको छैन भन्छु । किनभने अझै धेरै काम गर्न बाँकी छ । बिमा यस्तो विषय हो, जहाँ सधैं आफुलाई सिकारु भएर नै सोच्नु पर्ने रहेछ । यो विषयमा कसैले मैले सबै जानेको छु भन्छ भने त्यो हावा गफ मात्र हो भन्छु । इन्स्योरेन्स यस्तो विषय हो, जति ज्ञान लिए पनि अपुरो नै हुन्छ । बिमामा नयाँ कुराहरु थपिँदै जाने हुन्छ । त्यसकारण मैले सबै जानिसकेको र बुझिसकेको भन्न सक्दिन ।

यो इन्स्योरेन्स फिल्ड यति वृहत छ । कुनै पनि अवकास भईसकेको व्यक्तिले पनि नयाँ चिजमा मैले सबै जानिसकेको छु भन्न मिल्दैन । कुनै विषयमा मैले यती जानेको छु यती अनुभव छ भन्न मिल्यो होला । तर, पुरै इन्स्योरेन्स फिल्ड नै जानिसकेको छु भन्न मिल्दैन । आजको दिनमा जुन तरिकाले तपाईहरुको प्रेस जगत डिजिटल रुपमा अगाडी बढेको छ । त्यही रुपमा यो क्षेत्र पनि एकदमै वृहत रुपमा गईरहेको छ । यसमा दिन प्रतिदिन चुनौती तथा नयाँ कुराहरु थपिँदै गईरहेको बेला मैले सबै जानेको छु भन्न मिल्दैन । त्यसैले मैले आफुलाई विद्यार्थी कै रुपमा लिन्छु ।

शिखर इन्स्योरेन्समा अझै कति वर्ष बस्ने सोचमा हुनुहुन्छ ?

अहिले यति समय बस्छु भन्ने छैन । अब विस्तारै अभिभावकत्व लिने सोच बनाएको छु । जनशक्ति विकासको कुरा गर्दा हाम्रै कम्पनीमा आज ६ सय ५० जना कर्मचारी छन । शिखर इन्स्योरेन्समा ४ जना ‘क्वालिफाइड’ चार्टड एकाउन्टेन्ट छन । सेमी क्वालिफाइड ८/१० जना नै छन् । दुई जना डेपुटी सिइओ छन् । जनशक्तिको कुरा गर्दा १४÷१५ जना बाहेक ६ सय ५० जनाको पहिलो जागिरको अनुभव शिखर इन्स्योरेन्समै आएर भएको हो । त्यसले गर्दा हाम्रो सोचाइअनुसार उहाँहरुलाई ढाल्न सकेका छाँै, तालिम दिन सकेका छौँ ।

भिडियो हेर्न यहाँ क्लिक गर्नुहोस

दुई दशक एउटै कम्पनीमा बिताउनु भयो । अक्सर एक व्यक्ति एउटै कम्पनीमा सिइओ भएर यति लामो समय बस्दैन । तर, तपाईं शिखरमा बसिरहनु भएको छ । यहाँले नयाँ अवसर किन खोज्नु भएन ?

यसमा दुईवटा कुरा छ । एउटा त यो कम्पनीलाई जुन उद्देश्यले ल्याइयो, त्यो विचारले मलाई प्रमुखको जिम्मेवारी मलाई प्रदान गरियो । त्यसमा मैले कहिले पनि घमण्ड गरिन । जुन मेरो अनुभव थियो त्यसैको कारणले मलाई जिम्मा दिइयो । मैले सँधै आफ्नो सोचेर काम गर्दै गएको छु ।

दुई दशक एउटै कम्पनीमा बिताउनु भयो । अक्सर एक व्यक्ति एउटै कम्पनीमा सिइओ भएर यति लामो समय बस्दैन । तर, तपाईं शिखरमा बसिरहनु भएको छ । यहाँले नयाँ अवसर किन खोज्नु भएन ?

यसमा दुईवटा कुरा छ । एउटा त यो कम्पनीलाई जुन उद्देश्यले ल्याइयो, त्यो विचारले मलाई प्रमुखको जिम्मेवारी मलाई प्रदान गरियो । त्यसमा मैले कहिले पनि घमण्ड गरिन । जुन मेरो अनुभव थियो त्यसैको कारणले मलाई जिम्मा दिइयो । मैले सँधै आफ्नो सोचेर काम गर्दै गएको छु ।

यो कस्तो हुँदो रहेछ भने अर्काको नासो गलाको पासो जस्तै गरेर मैले कम्पनीलाई कसरी अगाडी बढाउने ? कसरी बिमा व्यवसाय वृद्धि गर्ने भनेर सोच जाँदो रहेछ । इन्स्योरेन्स भनेको जति काम गरे पनि सँधै विद्यार्थी जस्तो लाग्दो रहेछ । पहिला पहिला दिनको १ लाख आए पनि ओहो कति धेरै भन्ने लाग्थ्यो । तर, आजको दिनमा १ करोड रुपैयाँ बिमा शुल्क आए पनि पुगेन भन्ने हुन्छ ।

मार्केटको डाइनामिक चेन्ज र क्यापिटललाइन चेन्जले कति फरक पार्दोरहे छ । नयाँ नयाँ प्रोडक्ट बजारमा आइरहेका छन् । यसले गर्दा शिखरमा यति रोमाञ्चक छ की मैले कहिले पनि अन्त जाने सोच्दा पनि सोचिन । १० करोड रुपैयाँ पुँजीबाट सुरु गरेको शिखर इन्स्योरेन्सको आज ३ अर्ब ६५ करोड रुपैयाँ नाघिसक्यो । हामीले पहिले १३ करोडको पुँजीबाट सुरु गरेको अहिले हामी ६ अर्ब रुपैयाँ पर्याउने योजनामा छौं । त्यो अगाडी बढ्दै जादा खेरी अनुभव पनि भयो । मैले अन्त जाने कुरा कहिले सोचिन । यसलाई अगाडि बढाउने भन्ने सोचअनुसार काम गरेको छु ।

मार्केटको डाइनामिक चेन्ज र क्यापिटललाइन चेन्जले कति फरक पार्दोरहे छ । नयाँ नयाँ प्रोडक्ट बजारमा आइरहेका छन् । यसले गर्दा शिखरमा यति रोमाञ्चक छ की मैले कहिले पनि अन्त जाने सोच्दा पनि सोचिन । १० करोड रुपैयाँ पुँजीबाट सुरु गरेको शिखर इन्स्योरेन्सको आज ३ अर्ब ६५ करोड रुपैयाँ नाघिसक्यो । हामीले पहिले १३ करोडको पुँजीबाट सुरु गरेको अहिले हामी ६ अर्ब रुपैयाँ पर्याउने योजनामा छौं । त्यो अगाडी बढ्दै जादा खेरी अनुभव पनि भयो । मैले अन्त जाने कुरा कहिले सोचिन । यसलाई अगाडि बढाउने भन्ने सोचअनुसार काम गरेको छु ।

आजको दिनमा अधिकाँश सूचकमा शिखर इन्स्योरेन्स पहिलो स्थानमा छ । शिखरलाई कसरी पहिलो स्थानमा पुर्याउनु भयो ?

बिमा कम्पनीलाई पहिलो बनाउन सर्वप्रथम जनताको मन जित्न आवश्यक छ । बिमा भनेको एउटा विश्वास हो । हामीले एउटा कागजको आधारमा जनतालाई विश्वास दिलाउ छौं । कागजको भरमा गरेको वचनलाइ तिर्नुपर्ने अवस्थामा लडबडाउनु हुदैन । बिमा गर्नेको विश्वास जित्यो भने आवश्यकताअनुसार बिजनेस बढ्छ । तपाईले हरेक इन्स्योरेन्समा हेर्नुहोस जुन बेला बिमाको बढी दाबी तिरेको छ, त्यही बेला बजारमा सेयर मूल्य बढेको छ ।

अझै पनि समयमा दाबी भुक्तानी नपाएको अवस्था छ । शिखरको दाबी भुक्तानीको अवस्था कस्तो छ ?

यसमा दुईवटा कुरा छ । सबैभन्दा पहिला बिमालाई प्राथमिकता दिनु पर्यो । बुझेर मात्र बिमा गर्नुपर्यो । खाली बिमा गर भनेर मात्र हुँदैन । बिमामा समय दिएर गर्नुपर्ने हुन्छ । बैंकमा ऋण लिन जाँदा सबै डकुमेन्ट बुझाएर महिनौं लाग्दा पनि त्यसलाई झन्झट नमान्ने । तर, बिमा गर्न जाने बेलामा १ घण्टालाई ढिलो भन्ने जुन परिपाटी छ, त्यसलाई अन्त्य गर्नुपर्छ । हामीले पनि यो विषयमा शिक्षित गराउन खोजेको छौं । अध्ययन अनुसन्धान गरेर कसरी बिमा गर्ने कुन तरिकाले गर्ने भनेर लागिरहेका छौं । त्यसैले बिना झण्झट समयमै दाबी भुक्तानी गरिरहेका छौं ।

समयमै दाबी भुक्तानी गर्दा जनताको विश्वास बढाउँछ । १० वर्षको दौरानमा कृषि बिमाको अवस्था हेर्नु भयो भने त्यो बेला ३ करोड रुपैयाँ पनि पुगेको थिएन । तर, यो वर्षसम्म बढेर ३ अर्ब ५० करोड रुपैयाँ पुग्दै छ । दाबी भुक्तानी समयमै तिरिएकाले कृषि बिमा गर्नेको संख्या बढ्दै गएको छ । एक त सरकारको क्यालेण्डर भएको हुनाले सरकारले पनि मोनिटरिङ गरेको छ ।

पछिल्लो समय बिमा कम्पनीको आकर्षण कृषि क्षेत्रतिर बढेको देखिन्छ । यो क्षेत्रमा बढी सम्भावना भएर हो ?

यसमा दुईवटा पाटो छ । एउटा पाटो भनेको नेपाल कृषि प्रधान देश हो । मुख्यतय जलविद्युत, पर्यटन र कृषि बिमामा सहज भएको छ । पर्यटन क्षेत्र धेरै माथि गइसकेको छ । बिमा भनेको सबैले हुँदा खाने र हुने खानेले मात्र गर्ने भन्ने सोच्छन । हुने खानेले बुझिसकेको छ र उसले बिमा पनि गरेको छ । हुँदा खानेले आज के गर्ने भनेर सोच्छ । तर, उसले भविष्यको बारेमा सोच्दैन । अर्को पाटोे कृषि भनेको राष्ट्रको आवश्यकता हो । बुढापाकाले भन्थे पोखरी खनेपछि समयमा पानी भरिहाल्छ । त्यसले गर्दा कृषि क्षेत्रमा लगानी गरेर कृषकहरुको आर्थिक उन्नतीको लागि हामीले काम गर्न सक्यौं भने भोली बिमा बजार आफंै फस्टाएर जान्छ । त्यसले गर्दा कृषिमा हामीले धेरै सम्भावना देखेका छौं ।

शिखर इन्स्योरेन्सले कृषि क्षेत्रमा कस्ता बिमा पोलिसी ल्याएको छ ।

नेपाल बिमा प्राधिकरणले ३२ वटा कृषि बिमा प्रोडक्टहरुलाई कार्यान्वयन गर्न स्वीकृति दिइसकेको छ । हाम्रो कम्पनीले छुट्टै प्रोडक्टहरु ल्याएको छ । यसमा हामीेले यती बाढी आयो भने हामी यती तिर्छौं, तोकेको भन्दा बढी पानि आयो, खडेरी पर्यो र असिना आयो भने हामी यति दाबी भुक्तानी गर्छौं भनेर यस्ता किसिमको प्रोडक्टहरु ल्याएका छांै । मैले जागिर खाँदा यो सबै साचेको थिइँन । तर, अहिले यो सबै सत्य भएको छ ।

नेपाल बिमा प्राधिकरणले ३२ वटा कृषि बिमा प्रोडक्टहरुलाई कार्यान्वयन गर्न स्वीकृति दिइसकेको छ । हाम्रो कम्पनीले छुट्टै प्रोडक्टहरु ल्याएको छ । यसमा हामीेले यती बाढी आयो भने हामी यती तिर्छौं, तोकेको भन्दा बढी पानि आयो, खडेरी पर्यो र असिना आयो भने हामी यति दाबी भुक्तानी गर्छौं भनेर यस्ता किसिमको प्रोडक्टहरु ल्याएका छांै । मैले जागिर खाँदा यो सबै साचेको थिइँन । तर, अहिले यो सबै सत्य भएको छ ।

कृषि बिमामा जोखिम कतिको छ ?

कृषि बिमामा एकदमै जोखिम छ । तर, राष्ट्रले आर्थिक उन्नती गर्यो भने बिमा बजार फस्टाएर जान्छ । बजार बढ्यो भने बिमा स्वत बढ्छ नत्र बिमा बजार बढ्दैन । यो खाली एउटा सिमित वर्गमा मात्रै बस्छ । त्यसले गर्दा किसानहरुको उन्नती भयो भने स्वतः बिमा बजार फस्टाउँछ । त्यही भएर बिमा कम्पनीहरुले कृषि बिमामा जोखिम लिनैपर्छ ।

बिमा प्राधिकरणले ७ वटा कम्पनीलाई लघुबिमा व्यवसाय गर्न अनुमति दिएको छ । भोलीका दिनमा लघुबिमा बजार खोसिने सम्भावना कत्तिको छ ?

उँहाहरु आउनु भएको छ । म चाँही स्वागत गर्छु । पहिला २० वटा बिमा कम्पनी थिए । अहिले मर्जरका कारण १४ वटा मात्र भएको छ । अहिले ४ वटा कम्पनीले निर्जीवन लघुबिमा व्यवसाय गर्न अनुमति पाएका छन् । निर्जीवन बिमा कम्पनीको संख्या १४ मा ४ जोडेर १८ वटा पुगेको छ । यसमा खासै फरक पर्ला जस्तो लाग्दैन । तर, उहाँहरुसँग सहकार्य गर्ने एउटा वातावरण बनेको छ । अर्को भनेको उहाँहरु त्यो लेभेलमा गएर काम गर्नुहुन्छ भने झन राम्रो हो । हामीले गर्न नसकेको काम उहाँहरुले गर्नुहुन्छ । हामी पनि त्यो बजारबाट हटेका छैनौं ।

प्राधिकरणले त्यहाँ लघुबिमा व्यवसाय गर्न पाउँदैन भनेको छैन । हामी त उहाँहरु नआउदै धेरै अघि त्यो ठाँउमा पुगिसकेको छौं । ५ वर्ष अघि नै शाखा विस्तारमा जानुपर्छ भनेर आफुलाई फैलाईसकेको छौं । हामीलाई त्यती खासै त्यसले असर गर्ला जस्तो लाग्दैन । बरु यसबाट हामीले बजार विस्तारमा सहयोग पाउन सकिन्छ ।

हामीले काँधमा काँध मिलाएर अगाडी बढ्यौ भने दुवै पक्षलाई राम्रो हुन्छ । अब नयाँ आएका कम्पनीहरुलाई टिक्न गाह्रो छ । उहाँहरुले अब आफ्नो व्यवसायिक रणनीति बनाएर सहकार्य गरेर त्यहीअनुसार भिज्न सक्नु भयो भने ठिक छ, नत्र यो क्षेत्रमा टिक्न एकदमै गाह्रो छ ।

बिमामा ‘इनोभेसन’ धेरै कम भएको देखिन्छ । किन होला ?

अवश्य पनि हो । मैले बिमा प्राधिकरणमा कुरा गर्दा जहिले पनि भन्छु सर हामी गोरेटो बाटो खन्दिन्छौं त्यसलाई पिच गर्न पाउँदैन मजबुत नै गर्न पाउँदैन अरु कम्पनी आएर ट्रक र डोजर ल्याएर चलाउँछन् र त्यो बाटो बिगारेर हिड्छन । सरहरुले त्यो गर्न दिनु भएन आफ्नो बाटो बनाउनलाई उहाँहरुले क्षेत्र तोक्दिनु पर्यो भन्दै आएका छौं । त्यो भनेको नयाँ प्रोडोक्टको विकास र त्यसको क्षेत्र तोक्दिनु पर्यो । एउटा प्रोडक्ट बनाउन १० लाख रुपैयाँदेखि करोड रुपैयाँ पनि लाग्न सक्छ । त्यसै प्रोडक्ट त बन्दैन । नयाँ प्रोडक्ट ल्याउन त्यसमा धेरै अध्यन तथा अनुसन्धान गर्नुपर्छ ।

तथ्यांक संकलन गरेपछि मात्र प्रोडक्ट बन्छ । हामी बिमा कम्पनीहरु त्यता तिर कम लागेको छौं । सबैलाई पकाएको खाना खाने बानी परेको छ । खाना बनाउनलाई त धेरै मेहिनत गर्नुपर्छ । कसैलाई खान बोलाएको छ भने उसलाई चाहिने स्वाद के हो भनेर सबै बुझेर मात्र पकाउछौं । त्यही भएर बिमा बजार जुन बाटोबाट जानुपर्ने थियो त्यो बाटोमा जान सकेको छैन कि जस्तो लाग्छ । त्यसैले बिमामा जति छिटो दाबी तिर्योे त्यती विश्वास बढ्छ ।

मैले बिमा प्राधिकरणमा कुरा गर्दा जहिले पनि भन्छु सर हामी गोरेटो बाटो खन्दिन्छौं त्यसलाई पिच गर्न पाउँदैन मजबुत नै गर्न पाउँदैन अरु कम्पनी आएर ट्रक र डोजर ल्याएर चलाउँछन् र त्यो बाटो बिगारेर हिड्छन । सरहरुले त्यो गर्न दिनु भएन आफ्नो बाटो बनाउनलाई उहाँहरुले क्षेत्र तोक्दिनु पर्यो भन्दै आएका छौं । त्यो भनेको नयाँ प्रोडोक्टको विकास र त्यसको क्षेत्र तोक्दिनु पर्यो । एउटा प्रोडक्ट बनाउन १० लाख रुपैयाँदेखि करोड रुपैयाँ पनि लाग्न सक्छ । त्यसै प्रोडक्ट त बन्दैन । नयाँ प्रोडक्ट ल्याउन त्यसमा धेरै अध्यन तथा अनुसन्धान गर्नुपर्छ ।

नयाँ प्रोडक्टहरु बनाउन बिमा प्राधिकरणबाट कतिको सहयोग पाइरहनु भएको छ ?

हामीलाई त त्यस्तो अवस्था छैन । कहिलेकाही ढिलो चाँडो हुने त्यो बेग्लै कुरा हो । किनभने उहाँहरु पनि आफ्नो क्षमता बढाउन लागिरहनु भएको छ । उहाँहरुलाई पनि केही कुरा नयाँ छ । हामीले कतिपय नयाँ कुरा लिएर जान्छौ, त्यहाँ उहाँहरुलाई पनि त्यो कुरा नयाँ नै हुन्छ । हामीले उहाँहरुलाई कन्भिन्स गर्यौं भने उहाँहरुले समयमै निर्णय गर्नुहुन्छ । त्यसैले हामीले सही बाटोबाट कन्भिन्स गर्ने की गलत बाटोबाट त्यो हाम्रो हातमा छ । गलत बाटोबाट गर्यौं भने त्यो दिगो हुँदैन । सही बाटोबाट गयौ भने मात्र दिगो हुन्छ ।

बिमा प्राधिकरणले कम्पनीको संख्या घटाउँदै गएकाले बजारमा प्रतिस्पर्धा कम देखिने भयो । बजारमा नयाँ कम्पनीहरु आउन आवश्यक छ कि छैन ?

अहिलेको अवस्थामा नयाँ बिमा कम्पनी आवश्यक छैन । आवश्यक भए प्राधिकरणले बिमा कम्पनीको संख्या घटाउने थिएन । ंहाम्रो पुँजी बढिसक्यो । हामीले २ अर्ब ५० करोड रुपैयाँको पुँजी पुर्याइसकेका छौं । आजको दिनमा हाम्रो पुँजीगत क्षमताअनुसारको बिमा बजार छैन जस्तो लाग्छ । त्यै पनि हामीलाई प्रेरित गरेर नयाँ प्रोडक्ट ल्याएर भोली व्यवसाय बढ्यो भने बजारमा अवश्य नयाँ कम्पनी आउनैपर्छ ।

शिखर इन्स्योरन्सले अहिलेसम्म मर्ज गरेको छैन । शिखरको मर्ज नगर्ने नीति हो ?

हामीले मर्जरको काम नगरेको भने हैन । मर्जरमा जान दुईवटा कुरा छ । दिमागले सोच्ने कि दिलले सोच्ने ? हामीले यो विकासको क्षणमा दिमागले हैन दिलले सोच्छांै अनि मर्जर हुँदैन । त्यसैले मर्जर होस् वा नहोस् अगाडी बढ्नु पर्छ भन्ने कुरा हामीले ५/६ वर्ष पहिले नै थाहापाईसकेको हो । त्यो बेला ऐनको प्रावधान आउदा ४ अर्ब रुपैयाँ पुँजीको परिकल्पना गरेको थियो ।

एउटा संस्था बनाउ, जागिरको अवसर सिर्जना गर, बजार बिस्तार गर, नयाँ प्रोडक्ट ल्याउ भनेर मलाई सञ्चालक समितिले जिम्मेबारी दिएको छ । त्यही भएर म त्यतातिर लागिरहेको छु । अहिले शिखरको १ सय १५ वटा शाखाहरु भईसकेको छ । मर्ज भएका कम्पनीको पनि बल्ल त्यही हाराहारीमा शाखा पुग्न लाएको छ । हाम्रो बिमा बजार हिस्सा १४ प्रतिशत छ ।

अब त्यसलाई बढाउन तिर लागिरहेका छौं । नयाँ प्रोडक्ट विकास गर्न लागिरहेका छौ । गाँउगाँउमा गएर बिमाको सेवा दिएको छौं र सोहीअनुसार दाबी तिरेको छौं । यसले गर्दा शिखर इन्स्योरेन्स अझ सबल संस्था बन्ने तिर अगाडी बढेको छ । लगानीकर्तालाई हामीले राम्रो प्रतिफल दिईसकेको छौं । त्यसैले गर्दा बिमा बजारको आर्थिक उन्नती गर्न मर्ज मात्रै आवश्यकता होइन । अहिले बिमा बजार महंगो हुने बाटोमा गएको छ ।

अब त्यसलाई बढाउन तिर लागिरहेका छौं । नयाँ प्रोडक्ट विकास गर्न लागिरहेका छौ । गाँउगाँउमा गएर बिमाको सेवा दिएको छौं र सोहीअनुसार दाबी तिरेको छौं । यसले गर्दा शिखर इन्स्योरेन्स अझ सबल संस्था बन्ने तिर अगाडी बढेको छ । लगानीकर्तालाई हामीले राम्रो प्रतिफल दिईसकेको छौं । त्यसैले गर्दा बिमा बजारको आर्थिक उन्नती गर्न मर्ज मात्रै आवश्यकता होइन । अहिले बिमा बजार महंगो हुने बाटोमा गएको छ ।

के कारणले बिमा बजार महंगो हुँदै छ ?

बिमाको मूल्यांकनदेखि लिएर प्रोडक्ट डेभलपमेन्ट, प्रोडक्टलाई मनिटरिङ, रिस्कलाई कायम गरेर रिसर्च गर्दा बिमा बजार महंगो हुन सक्छ ।

विगतको वर्षमा शिखर इन्स्योरेन्सले लगानीकर्ताहरुलाई राम्रो लाभांस दिदै आएको थियो । यो वर्ष दिन सकेन किन ?

लाभांश नदिने अब यो साल मात्रै हो । हामीले थप निष्कासन (एफपिओ) जारी गरेका थियौं । एफपिओबाट जुन प्रिमियमहरु आएको थियो त्यसबाट १६ करोड रुपैयाँ कर दायित्व सरकारलाई तिर्यौं । त्यसले गर्दा यसपाली लगानीकर्तालाई लाभांश रोकिएको हो । सरकारलाई कर तिर्नु नपरेको भए यसपाली पनि ७ देखी १० प्रतिशत लाभांश दिने थियौं । यसपाली नभए पनि अर्को वर्ष लाभांश राम्रै हुन्छ ।
हाम्रो कम्पनी ५ अर्ब रुपैयाँ भन्दा बढीको नेटवर्थ भइसकेको छ । व्यवसाय पनि बढेको छ । आजको दिनमा ६ सय ५० जना कर्मचारीको खर्च व्योहर्ने सामथ्र्य भईसकेको छ । कम्पनीको डेटा हेर्दा प्रोग्रेसिभ

बाटोमा छांै भने १/२ वर्षको दुःख मात्र हो, हामी ग्रोथ मोडमा छौं ।

यो वर्ष बजार विस्तारको अवस्था कस्तो हुनेछ ? नाफा कति हुने अनुमान छ ?

पोहोर साल ३६ करोड रुपैयाँ खुदनाफा भएको थियो । अब यो वर्ष ५० करोड रुपैयाँ खुदनाफा हुने अनुमान छ । हामीले बजार विस्तारको कुरा गर्दा ६ अर्ब रुपैयाँको लक्ष्य लिएर अगाडी बढेको छौं । बिमा व्यवसाय १० प्रतिशत बढ्ने प्रक्षेपण गरेर अगाडी बढेका छांै । आजको दिनमा लक्ष्य प्राप्त भएको छ । भोली कसरी जान्छ थाहा छैन । व्यापारमा हामी प्रक्षेपणअनुसार अगाडी बढेको छौं ।

आगामी वर्ष सेयरधनीलाई कति लाभांश दिनुहुन्छ ?

त्यो त कम्पनी सञ्चालक समितिले गर्ने निर्णय हो । मैले आज यति हुन्छ भन्न सक्दिन । दोहोरो अंकमा लाभांश दिने गरी अघि जानुपर्छ भनेर हामीलाई बोर्डले निर्देशन दिएको छ । त्यहीअनुसार अगाडी बढेको छौं।

शिखर इन्स्योरेन्सको सबैभन्दा बढी मोटर बिमा नै होला हैन ?

छैन, हाम्रो जम्मा पोर्टफोलियोको २८ देखि ३० प्रतिशत मात्र होला । हाम्रो मोटर बिमा मात्रै छैन् । हामी मोटर, कृषि, प्रोपर्टी, मनी ट्रान्फरलगायत सबै पोर्टफोलियामा बराबर स्थितिमा छौं ।