एजेन्सी । जोर्डनका राजा अब्दुल्लाह द्वितीय र ओमानका सुल्तान हैथम बिन तारिक अल सइदले बुधवार गाजापट्टीमा तत्काल र स्थायी युद्धविराममा पुग्न जरुरी रहेकोमा जोड दिएका छन् । जोर्डनको राजधानी अम्मानमा भएको वार्तामा दुवै राष्ट्र प्रमुखहरूले नागरिकहरूको सुरक्षाको महत्वलाई पनि जोड दिए ।

स्ट्रिपका सबै भागहरूमा कुनै अवरोध वा ढिलाइ बिना पर्याप्त मानवीय सहायता पर्याउन आवश्यक रहेको बताए । दुवै पक्षले दुई देश र जनतालाई जोड्ने गहिरो जरा भएको ऐतिहासिक सम्बन्धमा गर्व व्यक्त गरे । उनीहरुले लगानी र आर्थिक क्षेत्रमा विशेष ध्यान दिँदै सबै क्षेत्रमा द्विपक्षीय सहयोग सुदृढ गर्नुपर्नेमा जोड दिए ।

दुई नेताले विभिन्न क्षेत्रीय र अन्तर्राष्ट्रिय मुद्दाहरू, विशेष गरी गाजा पट्टीको स्थितिमा पनि विचार आदानप्रदान गरे । राजा अब्दुल्लाले एन्क्लेभमा बढ्दै गइरहेको मानवीय प्रकोपलाई रोक्न अन्तर्राष्ट्रिय समुदायले तुरुन्त र तत्काल कदम चाल्नको लागि जोड दिए । उनले रफाहमा इजरायली सैन्य कारबाहीको खतरा र यसले सम्पूर्ण क्षेत्रमा द्वन्द्व बढाउने सम्भावनाको बारेमा चेतावनी दिए ।