सनत हमाल
मुगु । जिल्ला आपतकालिन सञ्चालन केन्द्र मुगु द्वारा संयुक्त रुपमा सञ्चालित विपत प्रतिकार्य पूर्व तयारीका लागि आज सुरक्षाकर्मीहरुले अभ्यास गरेका छन् ।

विपत बाजा बजाएर आउँदैन कुन बेलाआउँछ समय एकिन हुँदैन । तर विपत्तिका कारण वर्षेनि नागरिकले दुख भोग्नु परेको छ भन्दै मुगुमा विपत पूर्व तयारीका लागि सुरक्षाकर्मीहरुले अभ्यासको थालनी गर्दै नागरिकलाई सचेतना प्रदान गरिहेका छन् ।

बिहिवार छायाँनाथ रारा नगरपालिका–२ चैना खोलामा विपत्तिबाट बच्च नेपाली सेना, नेपाल प्रहरी, सशस्त्र प्रहरी, नगरप्रहरी र रेडक्रस स्वयंसेवकहरुले बिपत प्रतिकार्य अभ्यास प्रदर्शन गरेका छन ।

जिल्ला आपतकालिन सञ्चालन केन्द्र मुगु द्वारा सयुक्त रुपमा सञ्चालित उक्त प्रतिकार्य अभ्यास गरि जोखिम बाढिपहिरोबाट बच्न बचाउन सुरक्षाकर्मीलाई अभ्यास हुने र नागरिकलाई सचेतना हुने उदेश्यका साथ बिपत प्रतिकार्य अभ्यास गरिएको नेपाली सेनाका सेनानी बसन्तनाथ योगीले जानकारी दिए ।

अभ्यासमा बाढीपहिरो बाट प्रभाबित समुदाय बस्तिहरुमा तत्कालै उद्दार तथा राहत कसरी गर्न सकिन्छ भन्ने उद्देश्यले उक्त अभ्यास सञ्चालन गरिन थालिएको प्रमुख जिल्ला अधिकारी टोपेन्द्र केसीले जानकारी दिए ।

उनले भने, “अबको केहिदिनमा देशमा मनसुन भित्रीने पूर्वानुमान गरिएको छ, त्यसैले सबै जना बाढी पहिरो जोखिमबाट बच्न अनुरोध गरिएको छ ।”