सुनौलो नेपाल
काठमाडौं । कोपा अमेरिका फुटबलमा भेनेजुएलाले पहिलो जित निकालेको छ । आज बिहान लेभिस स्टेडियममा सम्पन्न समूह ‘बी’ को खेलमा इक्वेडरलाई २–१ गोलले हराउँदै भेनेजुएलाले जित निकालेको हो ।
भेनेजुएलाका लागि जोन्डर काडिज र एडवार्ड बेलोले एक–एक गोल गरेका थिए । यस्तै, इक्वेडरका जेरेमी सार्मिएन्टोले एक गोल गरेका थिए ।
खेलमा इक्वेडरले सुरुवाती अग्रता लिए पनि त्यसलाई जोगाउन नसक्दा पराजित हुन पुग्यो । इक्वेडरका सार्मिएन्टोले खेलको ४०औँ मिनेटमा सुरुवाती गोल गरेका थिए । तर ६४औँ मिनेटमा काडिजले गोल गर्दै भेनेजुएलालाई १–१ गोलको बराबरीमा ल्याए ।
त्यसपछि भेनेजुएलाकै एडवार्डले ७४औँ मिनेटमा गोल गर्दै टोलीलाई २–१ गोलको जित दिलाए ।
यो जितसँगै पहिलो खेलबाट भेनेजुएला ३ अंकका साथ समूह ‘बी’ को शीर्षस्थानमा छ । पराजित भएको इक्वेडर अंकविहीन रहँदै चौथो स्थानमा छ । समान खेल खेलेका मेक्सीको र जमैका एक–एक अंकसहित दोस्रो र तेस्रो स्थानमा छन् ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
