काठमाडौँ । नेपाली बजारमा आज सोमबार सुन–चाँदीको मूल्य बढेको छ।
आइतबार प्रतितोला दुई हजार सात सय रूपैयाँ घटेको सुनको मूल्य आज सोमबार प्रतितोला तीन सय रूपैयाँले बढेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४२ हजार तीन सय रूपैयाँ कारोबार भैरहेको छ ।
त्यस्तै, तेजाबी सुन प्रतितोला एक लाख ४१ हजार छ सय रूपैयाँमा कारोबार भइरहेको छ।
आइतबार छापावाल सुन प्रतितोला एक लाख ४२ हजार रूपैयाँ र तेजाबी सुन प्रतितोला एक लाख ४१ हजार तीन सय रूपैयाँमा कारोबार भएको थियो।
आज चाँदीको मूल्य पनि पाँच रुपैयाँले बढेको छ।
चाँदी प्रतितोला १८ सय २० रूपैयाँमा कारोबार भइरहेको छ।