काठमाडौँ । नेपाली बजारमा आज सुनको मूल्य बढेको छ ।
एकैदिन सुनको मूल्य तोलामा १६ सय रुपैयाँ बढेको हो ।
नेपाल सुनचाँदी व्यवसायी महासंघले बिहीबारका लागि सुनको मूल्य प्रतितोला १ लाख ४४ हजार ३ सय रुपैयाँ तोकेको छ ।
बुधबार प्रतितोला १ लाख ४२ हजार ७ सय रुपैयाँमा कारोबार भएको थियो । यसअघि जेठ २५ गते सुनको मूल्य हालसम्मकै उच्च १ लाख ४५ हजार रुपैयाँ पुगेको थियो ।
बिहीबार तेजावी सुनको मूल्य एक लाख ४३ हजार ६ सय रुपैयाँमा कारोबार भैरहेको छ ।
त्यस्तै चाँदीको मूल्य ४० रुपैयाँ बढेको छ । अघिल्लो दिन प्रतितोला १८२५ रुपैयाँ रहेको चाँदी आज १८६५ रुपैयाँ कायम भएको छ ।