काठमाडौं । चालु आर्थिक वर्षकाे ११ महिनामा १३ खर्ब २७ अर्ब ५१ करोड रुपैयाँ रेमिट्यान्स भित्रिएको छ । नेपाल राष्ट्र बैंकले सार्वजनिक गरेको जेठसम्मको तथ्याङ्क अनुसार १३ खर्ब २७ अर्ब ५१ करोड रुपैयाँ रेमिट्यान्स भित्रिएको हो ।

जसमा १ खर्ब २८ अर्ब ९१ करोड रुपैयाँ जेठ महिनामा भित्रिएको हो ।

समीक्षा अवधिमा विप्रेषण आप्रवाह १९.३ प्रतिशत बढेको राष्ट्र बैंकले जनाएको छ । अघिल्लो वर्षको सोही अवधिमा विप्रेषण आप्रवाह २२.७ प्रतिशतले बढेको थियो ।

तथ्यांक अनुसार रेमिटेन्स पोहोर ११ महिनाको तुलनामा यसपालि १९.३ प्रतिशतले बढेको छ ।

यो वर्ष ११ महिनामा वैदेशिक रोजगारीमा जानका लागि ४ लाख २२ हजार ९३६ जनाले अन्तिम श्रम स्वीकृति र २ लाख ६२ हजार ७०५ जनाले पुन: श्रम स्वीकृति लिएको तथ्यांक छ ।

११ महिनाको अवधिमा खुद ट्रान्सफर १७.३ प्रतिशतले वृद्धि भई १४ खर्ब ४३ अर्ब ६ करोड रुपैयाँ पुगेको छ । अघिल्लो वर्षको सोही अवधिमा यस्तो ट्रान्सफर २१.९ प्रतिशतले बढेको थियो ।

जेठसम्म वैदेशिक रोजगारीका लागि अन्तिम श्रम स्वीकृति लिने नेपालीको संख्या ४ लाख २२ हजार ९३६ र पुनः श्रम स्वीकृति लिनेको संख्या २ लाख ६२ हजार ७०५ रहेको छ ।