काठमाडौं । फेदीखोला हाइड्रोपावर कम्पनीले बनाउन लागेको फेदीखोला (थुम्लुङ्ग) जलविद्युत् आयोजनामा राष्ट्रिय वाणिज्य बैंकले ऋण लगानी गर्ने भएको छ । आयोजनाको विकासकर्ता फेदीखोलाइ हाइड्रो र बैंकबीच बिहीबार ऋण लगानी सम्झौता भएको छ । आयोजनाको जडित क्षमता ४.३ मेगावाट छ ।

ऋण लगानी सम्झौतामा बैंकका तर्फबाट पुर्वाधार बैकिङ्ग विभाग प्रमुख दामोदर ज्ञावाली र कम्पनीका तर्फबाट प्रवन्ध सञचालक प्रकाशचन्द्र दुलालले हस्ताक्षर गरेका छन् । सम्झौताअनुसार कम्पनीले भोजपुर जिल्लाको साल्पासिलिछो गाउँपालिका वडा नं. ६ मा निर्माण गरिरहेका फेदीखोला जलविद्युत् आयोजनामा राष्ट्रिय बाणिज्य बैंकले ५० करोड रुपैयाँ ऋण लगानी गर्ने भएको छ ।

कुल लागत ९४ करोड रहेको आयोजनामा संस्थापकहरुको स्वपुँजी (इक्विटी) लगानी ४४ करोड रुपैयाँ हुने भएको छ । कम्पनीका अनुसार यहि साउनभित्र कम्पनीलाई लिमिटेडमा परिवर्तन गरि स्वपँजीको ४४ करोडको ३० प्रतिशत अर्थात् १३ करोड २० लाख रुपैयाँको साधारण सेयर (आइपिओ) निष्कासन गरेर लगानी जुटाउने लक्ष्य लिएको कम्पनीले जनाएको छ । फेदीखोलाको चालू आर्थिक वर्षभित्र आइपिओ निष्कासन गर्ने लक्ष्य कम्पनीको छ ।

२०८२ असोजभित्र सम्पन्नहुने यस आयोजनालाई आवश्यक जग्गा खरिद, कन्ष्ट्रक्सन पावर जडान, पहँचमार्ग निमार्ण, गोदाम घर, आवसगृह निर्माण सम्पन्न भएको छ । आयोजनाको सिभिल निमार्ण ठेक्का सम्झौता सम्पन्न भई अहिले सम्मकरिब ३० प्रतिशत काम सम्पन्न भएको कम्पनीले जनाएको छ ।