काठमाडौं । नेपाल आयल निगमले पेट्रोल, डिजेल र मट्टितेलको मूल्य घटाएको छ ।

सोमबारदेखि लागू हुनेगरी निगमले पेट्रोलमा प्रतिलिटर ४ रुपैयाँ, डिजेल र मट्टितेलको मूल्य ५ रुपैयाँ घटाएको हो । यसअघि निगमको सञ्चालक समितिले तेलको मूल्य घटाउने निर्णय गरेको थियो ।

हवाई इन्धन र एलपी ग्यासको मूल्य भने यथावत रहेको छ । भारतीय आयल कर्पोरेसन (आइओसी) ले पठाएको नयाँ मूल्यसूची अनुसार निगमले भाउ घटाएको हो।

निगमले तय गरेको नयाँ मूल्य देशभरका विभिन्न ठाउँअनुसार लागू हुनेछ। निगमले पेट्रोलियम पदार्थको मूल्यका लागि ठाउँहरूलाई तीन वर्ग विभाजन गरेको छ।

पहिलो वर्गमा चारआली, विराटनगर, वीरगन्ज, जनकपुर, अमलेखगन्ज, भलवारी, नेपालगन्ज र धनगढी क्षेत्र पर्छन्। यो क्षेत्रमा अब पेट्रोलको भाउ १ सय ५६ रूपैयाँ ५० पैसा प्रतिलिटर पर्नेछ। त्यस्तै डिजेल र मट्टीतेल १ सय ४६ रूपैयाँ ५० पैसा पर्नेछ।

त्यस्तै दोस्रो वर्गमा सुर्खेत र दाङ क्षेत्र पर्छन्। यो क्षेत्रमा अब पेट्रोलको भाउ प्रतिलिटर १ सय ५८ रूपैयाँ पर्नेछ। त्यस्तै डिजेल र मट्टीतेल १ सय ४८ रूपैयाँ पर्नेछ।

तेस्रो वर्गअन्तर्गत काठमाडौं, पोखरा र दिपायल क्षेत्र पर्छन्। यो क्षेत्रमा अब पेट्रोलको भाउ १ सय ५९ रूपैयाँ प्रतिलिटर पर्नेछ। त्यस्तै डिजेल र मट्टीतेल १ सय ४९ रूपैयाँ पर्नेछ।

कमजोर मागले अन्तर्राष्ट्रिय बजारमा पेट्रोलियम पदार्थको भाउमा निरन्तर गिरावट आएपछि निगमले घटाएको हो । ब्रेन्टक्रुडमा कच्चा तेलको भाउ घटेर ब्यारेलको ७१.६१ डलरमा कारोबार भएको छ ।

हेज फण्ड र अन्य मुद्रा प्रबन्धकहरूले सेप्टेम्बर ३ सम्मको पछिल्लो रिपोर्टिङ हप्तामा सबैभन्दा धेरै ट्रेड हुने पेट्रोलियम फ्युचर्स अनुबन्धहरूमा आफ्नो बिक्रीलाई तीव्र बनाए । पोर्टफोलियो प्रबन्धकहरूले आफ्नो समग्र नेट लङ पोजिशन घटाए ।

बुलिस र बियरिस बेट्स बीचको भिन्नता एक्सचेन्जहरू कम्पाइल गर्न थालेदेखि सन् २०११ मा न्यून स्तरमा कच्चा तेलको भाउ झरेको थियो । कच्चा तेलको स्थिति पहिले नै अगस्ट २७ सम्म अघिल्लो रिपोर्टिङ हप्तामा मन्दिको पक्षमा थियो । किनभने व्यापारीहरूले जुलाईको सुरुदेखि आफ्नो बुलिश बेट्स आधाभन्दा बढी घटाइसकेका थिए ।

यो पनि :

अन्तर्राष्ट्रिय बजारमा पेट्रोलियमको भाउ निरन्तर ओरालो, नेपालमा कति घट्ला ?

चीनको आर्थिक मन्दीका कारण विश्वव्यापीरुपमा इन्धनको माग न्युन