काठमाडौं । निजी लगानीमा निर्माणाधीन मुनाल एन्ड मयूर वेलनेस रिट्रिट होटलको लागत बढेको छ । होटलको लागत बढेर ८२ करोड ३० लाख रुपैयाँ पुगेको छ । यसअघि निर्माण सुरु गर्दा मुनाल एन्ड मयुरको लागत ५५ करोड ४० लाख रुपैयाँ हुने अनुमान गरिएको थियो ।

यसबीचमा मुनाल एन्ड मयुरको लागत झण्डै २७ करोड रुपैयाँ बढेको छ । होटल परियोजना बनाउन २६ प्रतिशत संस्थापक स्वपुँजी (इक्विटी) र ७४ प्रतिशत बैंकको ऋण हुने गरी लगानी संरचना बनाइएको छ । होटलले ५५ करोड रुपैयाँ ऋणको रेटिङ गराएको छ ।

वेलनेस र रिट्रिट थप पूर्वाधार बनाउँदा लागत बढेको मुनाल एन्ड मयुरले जनाएको छ । निर्माण कार्य अब एक वर्षभित्र (सन् २०२५ सेप्टेम्बर) मा सक्ने होटलले जनाकारी दिएको छ ।

चितवनमा निर्माणाधीन मुनाल एन्ड मयुरको गत असारदेखि आंशिक सञ्चालनमा आइसकेको छ । होटल ‘मुनाल एन्ड मयुर मेडिकल वेलनेस रिट्रिट’ ब्रान्डमा सञ्चालन भइरहेको छ । पूर्ण क्षमतामा आउन अझै एक वर्ष लाग्ने देखिएको छ । होटलमा ३६ कोठाका साथै सातवटा भिल्ला हुने भएको छ । २६ वटा कोठा निर्माण भइ सञ्चालनमा आइसकेको होटलले जनाएको छ ।

होटलको मूख्य लगानीकर्ता लाक्पा डुन्डुप लामा रहेका छन् । मुनाल एन्ड मयुरमा उनको ७५ प्रतिशत स्वामित्व रहेको छ । होटलको निर्माण सन् २०२२ देखि अगस्टदेखि निर्माण सुरु भएको हो । होटलको व्यवस्थापन डोनाल्ड चाले सम्हालेका छन् ।

मुनाल र मयुर मेडिकल वेलनेसमा बसिरहेका पाहुनाहरू रिट्रिटले धेरै उल्लेखनीय आकर्षणहरू र स्थलचिन्हहरूको नजिकको आनन्द लिन सक्छ ।

नेपालको पहिलो चितवन राष्ट्रिय निकुञ्जमा बाघ, एकसिङ्गे गैँडा र हात्तीहरूको घर हो । जसले यसलाई वन्यजन्तु उत्साहीहरूका लागि हेर्नैपर्ने गन्तव्य बनाएको छ । सामुदायिक वन नजिकैको रिसोर्ट रहेको छ ।

सामान्यतया, होटलहरू बैंकबाट लिएको ऋण तिर्न लामो गर्भावस्थाको अवधि चाहिन्छ । होटल परियोजनाहरुको निर्माण र स्थिरतादेखि लामो गर्भावस्था अवधि छ ।