सुनौलो नेपाल
काठमाडौं । नेपाल प्रिमियर लिग (एनपीएल) क्रिकेटको कमर्सियल राइट ५ करोड ९२ लाख रूपैयाँमा बिक्री भएको छ । नेपाल क्रिकेट संघ (क्यान) ले बोलकबोल मार्फत ब्रान्ड डिजिटल लजिक प्रालिलाई उक्त राइट बिक्री गरेको हो ।
अब कम्पनीले खेलको प्रचार प्रसार व्यवस्थापनदेखि आर्थिक पक्षलाई थप मजबुत बनाउने जिम्मेवारी लिनेछ । सम्झौतामा लिगको ब्रान्डिङ, मार्केटिङ, प्रसारण अधिकार, प्रायोजन व्यवस्थापन र ग्राउन्ड ब्रान्डिङको अधिकार समावेश गरिएको छ ।
क्यान प्रवक्ता छुम्मी लामाले एक संस्करणका लागि कमर्सियल राइट बिक्री भएको बताए । कमर्सियल राइटबापत ब्रान्ड डिजिटलले प्रतियोगिताका लागि प्रायोजकहरू खोज्छ ।
क्यानले एनपीएलको पहिलो संस्करण आगामी मंसिरमा आयोजना गर्दैछ ।
प्रतियोगितामा ८ फ्रेन्चाइज र ती टोलीका मार्की खेलाडी पनि तय भइसकेका छन् । यसअघि क्यानले फ्रेन्चाइजहरू बिक्री गरी मालिक तय गरेको थियो ।
क्यानले एनपीएलमा खेलाडीहरुको अक्सन दशैंअघि गर्ने तयारी गरेको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
