काठमाडौं । नेपालले अमेरिकाविरुद्ध जित हासिल गरेको छ । आज बिहान भएको खेलमा नेपालले अमेरिकालाई हराएको हो ।

नेपाल एक खेलअगावै अमेरिकाविरुद्धको टी २० सिरिजको उपाधि जित्न सफल भएको छ ।

दोस्रो खेलमा अमेरिकालाई सुपर ओभरमा हराउँदै नेपालले टी २० सिरिजको उपाधि जितेको हो ।

सुपर ओभरमा ३ रनको लक्ष्य पाएको नेपालले २ बल अगावै लक्ष्य पूरा गर्दै अमेरिकालाई हराएको हो ।

नेपालले दिएको १७१ रनको लक्ष्य पछ्याउँदै जावाफी ब्याटिङमा उत्रिएको अमेरिकाले २० ओभरमा ८ विकेट गुमाउँदै १७० रन बनाएपछि खेल सुपरओभरमा पुगेको थियो ।

नेपालले अमेरिकाविरुद्धको टी २० आई सिरिजअन्तर्गतको दोस्रो खेल आज बिहान खेलेको हो । नेपालले टस जितेर पहिला ब्याटिङमा उत्रिएको थियो भने निर्धारित २० ओभरमा ६ विकेट गुमाउँदै १ सय ७० रन बनाएको थियो ।

तीन खेलको टी २० आई सिरिजमा नेपालले लगातार पहिलो खेल र दोस्रो खेल जितेको छ । पहिलो खेलमा शुक्रबार नेपालले अमेरिकालाई १७ रनले पराजित गरेको थियो।

यसअघि अमेरिकाले भिसा नदिएर रोकिएका सन्दीप लामिछानेसमेत शुक्रबार भिसा पाएपछि अमेरिका उडिसकेका छन्। यद्यपि आजको खेलमा सन्दीप सहभागी छैनन् ।