सुनौलो नेपाल
काठमाडौँ । नेपाली बजारमा आज सोमबार सुनको मूल्यले नयाँ रेकर्ड बनाएको छ ।
सुनको मूल्यले दिनदिनै रेकर्ड बनाइरहेको छ। पाँच दिनदेखि सुनको मूल्य लगातार बढिरहेको छ ।
नेपाल सुनचाँदी व्यवसायी महासंघका अनुसार आज सोमबार सुन तोलामा ६ सय रुपैयाँ बढ्दै प्रति तोला १ लाख ६५ हजार ६ सय रुपैयाँमा कारोबार भैरहेको छ ।
आइतबार सुन तोलामा ६ सयले बृद्धि हुँदै १ लाख ६५ हजार पुगेको थियो । हिजोको मूल्य भन्दा तोलामा आज सोमबार सुनको मूल्य ६ सय रुपैयाँले बढेको हो ।
यसैगरी शुक्रबार सुन तोलामा २ हजार रुपैयाँ वृद्धि भएर प्रतितोला एक लाख ६४ हजार ४ सय रुपैयाँमा कारोबार भएको थियो।
सोमबार चाँदीको मूल्य पनि अहिलेसम्मकै उच्च भएको छ। सोमबार चाँदी तोलामा २० रुपैयाँ बढेर प्रतितोला २ हजार ९५ रुपैयाँ कायम भएको छ।
अन्तर्राष्ट्रिय बजारमा सुनको मूल्य क्रमिक उकालो लाग्दा स्थानीय बजारमा यसको असर परिरहेको हो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
