सुनौलो नेपाल
काठमाडौं । थ्रीस्टार हाइड्रोपावर लिमिटेडले शतप्रतिशत हकप्रद सेयर जारी गर्ने भएको छ ।
कम्पनीको सोमबार बसेको सञ्चालक समिति बैठकले १०० प्रतिशत हकप्रद सेयर निष्कासन गर्ने निर्णय गरेको हो । यसका लागि नियामक विद्युत नियमन आयोगसँग पूर्वस्वीकृति माग्ने निर्णय भएको कम्पनीले जनाएको छ।
आयोगले पूर्वस्वीकृति लिएर हकप्रद सेयर निष्कासन प्रस्ताव आगामी साधारण सभामा पेश गर्ने कम्पनीले जनाएको छ । थ्रीस्टार हाइड्रोपावरको चुक्ता पुँजी ४९ करोड २५ लाख रुपैयाँ रहेको छ । आयोगको स्वीकृतिपछि हकप्रद सेयर जारी भएपछि कम्पनीको चुक्ता पुँजी दोब्बर भएर ९८ करोड ५० लाख रुपैयाँ हुनेछ ।
हकप्रद जारी भएपछि प्राप्त हुने रकम मध्ये ३४ करोड २५ लाख रुपैयाँ आयोजना बनाउँदा बैंकबाट लिएको ऋण र अन्य दायित्व भुक्तानी गर्ने कम्पनीले जनाएको छ । बाँकी १५ करोड रुपैयाँ निको इनर्जी लिमिटेडले निर्माण गरिरहेको माथिल्लो भुरुण्डी ए जलविद्युत आयोजनामा स्वपुँजी लगानी गर्ने भएको छ । निर्माणधीन आयोजनाको जडित क्षमता ९ मेगावाट रहेको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
