प्रधानमन्त्रीमा ओली र देउवाकाे दाबी, कसले पाउला नियुक्ति?

सुनौलो नेपाल
शुक्रबार, ७ जेष्ठ २०७८

1.9K

काठमाडाैं । राष्ट्रपतिले वैकल्पिक सरकार गठनका लागि दिएकाे समयावधिमा २ जनाकाे दाबी पेश भएकाे छ । संविधानको धारा ७६ को उपधारा ५ अनुसार राष्ट्रपति विद्यादेवी भण्डारीले वैकल्पिक सरकार गठनका लागि शुक्रबार साँझ ५ बजेसम्मको समय दिएकी थिइन् ।

प्रधानमन्त्रीका लागि केपी ओलीले फेरि दाबी प्रस्तुत गरेका छन् । उनले आफ्नो पक्षमा १५३ सांसद रहेको दावी गरेका छन् । यस्तै, विपक्षी गठबन्धनका तर्फबाट कांग्रेस सभापति शेरबहादुर देउवा पनि १ सय ४९ सांसदको हस्ताक्षर राष्ट्रपतिसमक्ष पेश गरेका छन् ।

प्रधानमन्त्री ओलीकाे दावी पत्रमा जसपाको तर्फबाट अध्यक्ष महन्थ ठाकुर तथा संसदीय दलका नेता राजेन्द्र महतो र एमालेका अध्यक्ष एवम् दलका नेता केपी शर्मा ओलीको हस्ताक्षर रहेको प्रधानमन्त्रीका प्रमुख राजनीतिक सल्लाहकार विष्णु रिमालले जानकारी दिएका छन् ।

अब राष्ट्रपतिले देउवा वा ओली कसलाई नियुक्त गर्ने भन्नेमा निर्णय लिनेछिन् । उनले कानुनविद्हरुकाे परामर्शपछि निर्णय लिने प्रतिक्रिया दिइसकेकी छिन् ।