काठमाडौं । ‘नेपाली कांग्रेस प्रचण्डलाई गुरु मानेर प्रचण्डपथमा हिँडेको’ भन्ने प्रधानमन्त्री केपी शर्मा ओलीको आरोपमाथि नेपाली कांग्रेसका प्रवक्ता विश्वप्रकाश शर्माले जवाफ दिएका छन् । सोमबार ट्वीवरटमार्फत उनले भनेका छन्, ‘प्रधानमन्त्री ज्यू, सौ चुहे खा के बिल्लि चलि हज को’ भन्ने कहावत यहाँकै लागि रहेछ नि ’ ।

प्रवक्ता शर्माले हिजो प्रचण्डसंग पार्टीकै एकता निकै गौरवसंग गर्नेले आज मुद्दामा मात्रै कांग्रेसको कुरा मिल्दा प्रचण्डपथ भन्न आश्चर्यजनक भएको बताएका छन् । 

आइतबार बालुवाटारमा आयोजित पत्रकार सम्मेलनमा ओलीले व्यक्तिगत स्वार्थमा केन्द्रित भएर सरकारको विरोध गरेको टिप्पणी गरेका थिए । उनले कांग्रेसका केही नेताहरुले ओलीले गरेको चुनावमा भाग नलिने भनेकोमा ‘यो के भनेको ?’ भनी प्रश्न समेत गरे । उनले भने ‘म नेपाली कांग्रेसको बोली सुनेर आश्चर्यमा परेका‍े छु । यतिबेला कांग्रेस आवेग र उत्तेजनामा आएर प्रचण्डपथमा लागिरहेको छ ।’

ताज्जुब लाग्छ, तपाईंकै शैलीमा मलाई अचम्म लाग्छ ! हिजो प्रचण्डसंग पार्टीकै `एकता´ निकै गौरवसंग गर्नुभएको थियो l आज मुद्दामा मात्रै कांग्रेसको कुरा @cmprachanda संग मिल्दा,
ए ~ प्रचण्डपथमा पो लाग्यो ?

`सौ चुहे खा के बिल्लि चलि हज को´ भन्ने कहावत यहाँकै लागि रहेछ नि @Pm_Nepal !

— Bishwa Prakash शर्मा (@bishwaprakash77) May 24, 2021