काठमाडौं । प्रधानमन्त्री केपी शर्मा ओलीका प्रेस सल्लाहकार सूर्य थापाले चुरे क्षेत्रको संरक्षण गर्न ल्याइएको कार्यक्रमलाई दोहन भनेर प्रचार गरिनु नियोजित भएको आरोप लगाएका छन् ।

बिहीबार बिहान ट्वीटरमा अर्थ मन्त्रालयले जारी गरेको प्रेस विज्ञप्ति पोष्ट गर्दै उनले लेखेका छन्, ‘चुरे क्षेत्रको संरक्षण गर्न ल्याइएको कार्यक्रमलाई चुरेको दोहन र तराईको मरूभूमिकरण हुने भनी प्रचार गर्नेहरूको रवैया नियोजित छ।’

त्यस्तै उनले ढुंगा, गिटी, बालुवा निकासी पहाडी क्षेत्रमा सम्भव भएको र यो गर्नुपर्ने पनि दावी गरेका छन् । विभिन्न देशहरुले इन्थन बेचिरहेका बेला देशमा जे छ त्यो निर्यात गर्न सकिने उनको भनाई छ । ‘इन्धन भएका देशले डिजेल, पेट्रोल बेचिरहेका छन्, पानी, ढुंगा र फलाम भएका देशबाट तिनै चिज निर्यात गर्न सकिन्छ। पहाडी क्षेत्रमा यो सम्भव छ र गर्नु नै पर्छ।’

चौतर्फी आलोचना भएपछि अर्थ मन्त्रालयले बुधबार प्रेस विज्ञप्ति जारी गरी चुरे क्षेत्रको ढुंगा, गिट्टी, बालुवालगायत सामग्रीको दोहन हुन नदिने गरी बजेटमा खानीजन्य उत्खननको व्यवस्था गरिएको प्रष्ट पारेको छ ।

चुरे क्षेत्रकाे संरक्षण गर्न ल्याइएकाे कार्यक्रमलाई चुरेकाे दाेहन र तराईको मरूभूमिकरण हुने भनी प्रचार गर्नेहरूकाे रवैया नियाेजित छ।
इन्धन भएका देशले डिजेल,पेट्रोल बेचिरहेका छन्,पानी,ढुंगा र फलाम भएका देशबाट तिनै चिज निर्यात गर्न सकिन्छ।पहाडी क्षेत्रमा याे संभव छ र गर्नु नै पर्छ। pic.twitter.com/eDf5XB85JY

— Surya Thapa (@ThapajiSurya) June 3, 2021