सुनौलो नेपाल
काठमाडौं । विश्व बैंकले कोभिड-१९ खोप खरिदका लागि नेपाललाई आर्थिक सहायताको प्रतिबद्धता जनाएको छ । विश्व बैंकका नेपाल निर्देशक फरिस हदाद जर्भोसले भर्चुअल पत्रकार सम्मेलनमार्फत उक्त जानकारी गराएका हुन् ।
नेपालले अनुदानमा उपलब्ध गराइने खोपको प्रतिक्षा गर्न नहुने उनकाे भनाइ थियाे । निर्देशक जर्भोसले कोभ्याक्स संयन्त्रले सेकेन्ड विन्डो कार्यक्रममार्फत वितरण गर्ने खोप खरिद गर्नुपर्ने समेत बताए । विश्व बैंकले यसअघि अमेरिकी कम्पनी जोन्सन एन्ड जोन्सनबाट हुने खोप खरिदमा आर्थिक सहायताको प्रतिबद्धता जनाएको थियो ।
निर्देशक फरिसले पैसाकै कारण खोप ल्याउन ढिलाइ हुन नहुने बताए । ‘खोप खरिदका लागि विश्व बैंकले नेपाललाई १०० मिलियन डलर उपलब्ध गराएको छ’ उनले भने, ‘थप १६० मिलियन डलर एसियाली विकास बैंकमार्फत उपलब्ध गराइनेछ ।
नेपाललाई खोप खरिदका लागि आवश्यक पर्न सक्ने २६० मिलियन डलर समेत सघाउन बैंक तयार रहेको उनको भनाइ थियो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
