एजेन्सी । अफगानिस्तानमा विद्रोही समूह तालिबान र सरकारबीचको जारी हिंसाका कारण हजारौँ सर्वसाधारण देश छोड्न बाध्य बनेका छन् ।

यसैबीच क्यानडाले २० हजार अफगानी नागरिकलाई शरण दिने बताएको छ । क्यानडाका प्रधानमन्त्री जस्टिन ट्रुडोले जारी हिंसाका कारण मुलुक छाड्न बाध्य २० हजार अफगानीलाई शरण दिने बताएका हुन् । 

उनले ट्वीटरमा लेखेका छन्, ‘अफगानिस्तानको स्थिति खराब हुँदैछ । त्यहाँका नागरिकको जीवन खतरामा छ । उनीहरूको सहयोगका लागि हामीले हाम्रो रिसेटलमेन्ट कार्यक्रम विस्तार गर्दैछौँ । हामी २० हजार प्रभावित अफगानीलाई शरण दिनेछौँ ।’

क्यानडाका आप्रवासी मामिलामन्त्री मार्को मेन्डिसिनो महिला नेता, मानवअधिकार कार्यकर्ता, पत्रकार, अल्पसंख्यक समुदाय, एलजीबीटीक्यूआई र अनुवादकका रुपमा कार्यरत अफगानी आफूहरुको योजनाको प्राथमिकतामा रहेका जानकारी दिएका छन् ।
तालिबानले पछिल्लो समय लगातार अफगानिस्तानको प्रमुख सहरहरुमा कब्जा जमाइरहेको छ । 

The situation in Afghanistan is continuing to deteriorate, and Afghans’ lives are under threat. To help them, we’re expanding our resettlement program – we’re going to resettle 20,000 vulnerable Afghans and expedite processing timelines. Get the details: https://t.co/4amf5mVIAi

— Justin Trudeau (@JustinTrudeau) August 13, 2021