दाहाल र नेपाललाई खेल पत्रकारिता सम्मान

सुनौलो नेपाल
सोमबार, २८ भाद्र २०७८

2.5K

काठमाडौं । एनएसजेएफ अग्रज खेल पत्रकारिता सम्मान २०७८ बाट वरिष्ठ पत्रकार मुकुन्द दाहाल र सुमन भोम्जन स्मृति युवा खेल पत्रकारिता पुरस्कारबाट गोविन्द राज नेपाल सम्मानित भएका छन् ।

नेपाल खेलकुद पत्रकार मञ्च (एनएसजेफ) ले आफ्नो २६औं स्थापना दिवसको अवसरमा आइतबार दाहाल र नेपाललाई सम्मान गरेको हो । अग्रजलाई सम्मान र युवालाई प्रोत्साहन भन्ने नाराका मञ्चले हरेक वर्ष स्थापना दिवसमा यस सम्मान प्रदान गर्दै आएको छ ।

दाहाललाई २५ हजार रुपैयाँ, ताम्रपत्र र दोसल्लाबाट सम्मान गरिएको हो । नेपाललाई प्यापटप, सम्मानपत्र र दोसल्लाबाट सम्मान गरियो । कार्यक्रममा पत्रकारद्वयलाई संघीय संसद् एवं नेपाल ओलम्पिक कमिटीका अध्यक्ष जीवनराम श्रेष्ठ, राष्ट्रिय खेलकुद परिषद (राखेप) का सदस्यसचिव रमेश कुमार सिलवाल, नेपाल पत्रकार महासंघका महासचिव रोशन पुरी लगायतले सम्मान गरेका थिए । मञ्चले हरेक बर्ष भदौ २७ गतेका दिनलाई स्थापना दिवसको रुपमा मनाउँदै आएको छ ।