सहज जितसँगै इन्टर दोस्रो स्थानमा उक्लियो

सुनौलो नेपाल
आइतबार, २७ चैत्र २०७८

एजेन्सी । इटालियन सिरी ए फुटबलमा इन्टर मिलानले सहज जित निकालेको छ । शनिबार भएको खेलमा इन्टरले भेरोनालाई २–० गोल अन्तरले पराजित गरेको हो ।

घरेलु मैदानमा भएको खेलमा इन्टरलाई जित दिलाउन निकोलो बारेला र इडेन जेकोले एक–एक गोल गरे । खेलको २२औं मिनेटमा बारेलाले गोल गर्दै इन्टरलाई अग्रता दिलाए । ३०औं मिनेटमा जेकोले गोल गर्दै टिमलाई २–० गोलको जित दिलाए ।

जितसँगै इन्टर तालिकाको दोस्रो स्थानमा उक्लिएको छ । लिगमा ३१ खेल खेलेको इन्टरले ६६ अंक जोडेको छ । पराजित भेरोना ३२ खेलबाट ४५ अंक जोडेर तालिकाको नवौं स्थानमा छ ।

सम्बन्धित विषय:

इन्टर

ताजा अपडेट

लोकप्रिय

सहज जितसँगै इन्टर दोस्रो स्थानमा उक्लियो