सुनौलो नेपाल
काठमाडौं । सशस्त्र प्रहरी बलका महानिरीक्षक राजु अर्यालले संगठनको मानक र सूचकलाई माथि लानेगरी काम गर्ने प्रतिबद्धता जनाएका छन् । गृह मन्त्रालयमा दज्र्यानी चिह्न लगाएपछि नवनियुक्त आईजीपी अर्यालले भने– ‘संगठनको सूचक र मानकलाई माथि उठाउने गरी काम गर्नेछु ।’
वैशाख १८ मा मन्त्रिपरिषद्ले अर्याललाई सशस्त्र प्रहरी बलको आईजीपीमा नियुक्त गरेको थियो । संगठनमा नीतिगत सुधार गर्ने प्रतिबद्धता जनाउँदै अर्यालले भने– ‘सरुवा बढुवालाई न्यायोचित बनाउन आवश्यक मापदण्ड बनाएर लागू गर्नेछु, व्यक्तिले होइन नीतिले संगठन चलाउने प्रणाली विकास गर्नेछु ।’
४ वर्षको कार्यकालमा आर्थिक पारदर्शिता आफ्नो मुख्य लक्ष्य हुने उल्लेख गर्दै उनले सम्वृद्धिको जनअपेक्षा पुरा गर्न गृहप्रशासन सुधार कार्ययोजना अनुसार सशस्त्र बलको भूमिका पुरा गर्न आफु प्रतिवद्ध रहेको उनले बताए ।
सशस्त्र प्रहरीलाई डिजिटल प्रणाालीमा लाने उद्घोष गर्दै अर्यालले चोरी र तस्करी नियन्त्रणमा ध्यान दिने बताए । उनले भने–‘भावी नेतृत्व तयार गर्नका लागि ठोस पहल गर्ने मेरो कार्ययोजना छ ।’
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
